‘విశ్వంభర’ (Vishwambhara) సినిమా రిలీజ్ కోసం మెగా అభిమానులు ఎంతో ఆసక్తిగా ఎదురుచూస్తున్నారు. ఈ ఏడాది సంక్రాంతికే రావాల్సిన ఈ సినిమా.. ‘గేమ్ ఛేంజర్’ (Game Changer) కోసం వాయిదా వేసినట్లు చెప్పారు. కానీ ‘గేమ్ ఛేంజర్’ (Game Changer) రిలీజ్ అయ్యి 6 నెలలు దాటినా.. ‘విశ్వంభర’ (Vishwambhara) ఇంకా రిలీజ్ కాలేదు.
దీనికి ప్రధానంగా వి.ఎఫ్.ఎక్స్ వర్క్ కారణం అనే టాక్ ఎక్కువగా వినిపించింది.అందులోనూ టీజర్లో ‘వి.ఎఫ్.ఎక్స్ బాలేదు’ అనే కంప్లైంట్స్ వినిపించాయి. దానికి ఎక్కువ ట్రోలింగ్ కూడా జరిగింది. అందుకే మళ్ళీ వేరే టీంతో వి.ఎఫ్.ఎక్స్ చేయిస్తున్నారు. అది కంప్లీట్ అవ్వడానికి టైం పడుతుంది. మరోపక్క ప్యాచ్ వర్క్ కూడా నిర్వహిస్తున్నారు. అలాగే ఒక పాట కూడా షూట్ చేయాల్సి ఉందని కొద్దిరోజుల నుండి ప్రచారం జరుగుతుంది.
ఇదిలా ఉంటే.. ‘విశ్వంభర’ (Vishwambhara) బ్యాలెన్స్ షూటింగ్లో భాగంగా ఉన్న పాట మంచి మాస్ నంబర్ అని తెలుస్తుంది. మరో రకంగా ఇది మంచి ఐటెం నెంబర్ అని కూడా చెప్పుకోవచ్చు. ఈ పాట కోసం దక్ష నాగర్కర్ ని ఎంపిక చేసుకుంటున్నట్టు కూడా టాక్ నడుస్తుంది. ఇక దీనికి భీమ్స్ ట్యూన్ సమకూరుస్తున్నాడట. ‘విశ్వంభర’ సినిమాకి కీరవాణిని సంగీత దర్శకుడిగా తీసుకున్నారు.
ఆయన సాంగ్స్ అన్నీ కంపోజ్ చేసేశారు. ఇక మిగిలిన ఐటెం సాంగ్ ను చిరు (Chiranjeevi).. భీమ్స్ తో కంపోజ్ చేయించుకుంటున్నట్లు తెలుస్తుంది. భీమ్స్ కి మాస్ పల్స్ బాగా తెలుసు. పైగా ఐటెం సాంగ్స్ కి అతను స్పెషలిస్ట్. అనిల్ రావిపూడి దర్శకత్వంలో చిరు నటిస్తున్న సినిమాకి కూడా భీమ్స్ సంగీతం అందిస్తున్నారు. అతని వర్క్ కి ఇంప్రెస్ అయ్యే.. ‘విశ్వంభర’ (Vishwambhara) లో ఉన్న ఐటెం నెంబర్ కి భీమ్స్ ని వాడుతున్నారని స్పష్టమవుతుంది.
