చిరుతో పూరీ సినిమా..?

ప్రస్తుతం చిరంజీవి తన ‘కత్తిలాంటోడు’ సినిమా విషయమై బిజీగా ఉంటూ కూడ ఈమధ్య పూరిజగన్నాథ్ ను తన వద్దకు పిలిపించుకుని కొంత సేపు ఏకాంతంగా మాట్లాడిన విషయాలు ప్రస్తుతం టాలీవుడ్ కు హాట్ టాపిక్ గా మారాయి. గత సంవత్సరం చిరంజీవి 150వ సినిమాకు పూరిజగన్నాథ్ దర్శకత్వం వహించబోతున్నాడు అని రామ్ చరణ్ స్వయంగా చెప్పిన తరువాత కూడ ఆ ప్రాజెక్ట్ ఆగి పోవడంతో పూరి చిరంజీవిల మధ్య బ్రేక్ ఏర్పడింది అని అనుకున్నారు అంతా.

ఈ విషయంలో బాధ పడిన పూరీజగన్నాథ్ ప్రస్తుతం కల్యాణ్ రామ్ తో తీస్తున్న ‘ఇజం’ సినిమాలో మెగాస్టార్ ను టార్గెట్ చేస్తూ.. కొన్ని డైలాగ్స్ రాసుకున్నాడట. ఈ విషయం చిరంజీవి వరకు వెళ్లడంతో పూరీని కూల్ చేయాలనే ఉద్దేశ్యంతో స్వయంగా తనను పిలిచి మాట్లాడారట. చిరంజీవి కోసం పూరీ అనుకున్న కథను కొన్ని మార్పులు చేసి నచ్చే విధంగా తయారు చేస్తే సినిమా చేస్తానని మాట ఇచ్చాడట.