చిరు-విజయశాంతి అలా చేస్తానంటే ప్రేక్షకులు ఊరుకుంటారా?

May 25, 2020 / 04:22 PM ISTByFilmy Focus

Join Us

చిరు-విజయశాంతి అలా చేస్తానంటే ప్రేక్షకులు ఊరుకుంటారా?

మలయాళ సూపర్ హిట్ లూసిఫర్ తెలుగు రిమేక్ లో మెగాస్టార్ చిరంజీవి నటించనున్న సంగతి తెలిసిందే. పొలిటికల్ అండ్ యాక్షన్ ఎంటర్టైనర్ గా వచ్చిన ఈ మూవీ అక్కడ సూపర్ హిట్ కావడంతో చిరు దీనిపై మనసు పారేసుకున్నారు. దీనితో కొణిదెల ప్రొడక్షన్స్ బ్యానర్ ఈ మూవీ తెలుగు రిమేక్ హక్కులను దక్కించుకోవడం జరిగింది. దర్శకుడు సుజీత్ కి ఈ మూవీ దర్శకత్వ బాధ్యతలు అప్పగించిన చిరంజీవి అతనికి స్క్రిప్ట్ మార్పులు, చేర్పులు చేయమని చెప్పారు.

చిరు ఇమేజ్ మరియు తెలుగు నేటివిటీకి తగ్గట్టుగా సుజీత్ స్క్రిప్ట్ కి మెరుగులు దిద్దేపనిలో ఉన్నారు. ఐతే కొద్దిరోజులుగా ఈ మూవీపై ఓ క్రేజీ రూమర్ చక్కర్లు కొడుతుంది. లూసిఫర్ మూవీలో కీలకమైన హీరో చెల్లి పాత్ర ఒకటి ఉంటుంది. పాత్రకు ఉన్న ప్రాధాన్యం రీత్యా విజయశాంతిని తీసుకున్నారని వార్తలు వస్తున్నాయి. దీనితో లూసిఫర్ లో చిరు మరియు విజయ శాంతి బ్రదర్ మరియు సిస్టర్ గా కనిపించనున్నారనే పుకారు లేచింది. కాగా ఈ వ్యాఖ్యలను చిత్ర యూనిట్ ఖండించినట్లుగా తెలుస్తుంది.

chiranjeevi vijayashanthi those all are romures1

లూసిఫర్ మూవీలో విజయశాంతి నటిస్తున్నారన్న విషయంలో ఎటువంటి నిజం లేదని వారు స్పష్టత ఇచ్చినట్లు సమాచారం అందుతుంది. రెండు దశాబ్ధాలకు పైగా వెండి తెరపై సూపర్ జోడిగా వెలుగొందిన చిరు, విజయశాంతి అన్నా చెల్లెలిగా కనిపిస్తే అసలు ప్రేక్షకులు హర్షిస్తారా? వీరిద్దరూ కలిసి నటించిన చిత్రాలు పదుల సంఖ్యలో ఉండగా, హిట్ జోడిగా పేరుంది. ఏది ఏమైనా ఆ వార్తలు వట్టి పుకార్లే అని రుజువైంది.