ఇంటెర్వెల్ బ్యాంగ్ సీన్స్ లో చిరు!

చిరంజీవి 150 సినిమాపై రోజురోజుకి అంచనాలు పెరిగిపోతున్నాయి. ప్రస్తుతం ఈ సినిమాకు సంబంధించిన చిత్రీకరణ హైదరాబాద్ లో జరుగుతోంది. ఏ సినిమాకు అయినా.. ఇంటెర్వెల్ బ్యాంగ్ అనేది చాలా కీలకం. అక్కడ నుండే కథ మలుపు తిరుగుతుంది. చిరంజీవి సినిమాలో కూడా ఇంటెర్వెల్ బ్యాంగ్ చాలా కీలకమట. ఆ సీన్స్ లో వచ్చే ఫైట్ సినిమాకు ప్లస్ కావాలని.. ఓ రేంజ్ చిత్రీకరిస్తున్నారట.

రామ్-లక్ష్మణ్ లు స్పెషల్ గా ఈ ఫైట్ ను డిజైన్ చేసినట్లు తెలుస్తోంది. రామ్ చరణ్ ప్రతిష్టాత్మకంగా నిర్మిస్తోన్న ఈ చిత్రాన్ని సంక్రాంతికి విడుదల చేయడానికి ప్లాన్ చేస్తున్నారు. ఆగస్ట్ 22న చిరంజీవి పుట్టినరోజు సంధర్భంగా ఈ సినిమా ఫస్ట్ లుక్ ను విడుదల చేయబోతున్నారు. చిరు సరసన కాజల్ జంటగా నటిస్తోంది.