ఆదివారం నాడు మాతృ దినోత్సవం సందర్భంగా సెలబ్రిటీలంతా తమ తల్లులకు మదర్స్ డే శుభాకాంక్షలు చెబుతున్నారు. మెగాస్టార్ చిరంజీవి కూడా అమ్మలందరికీ శుభాకాంక్షలు చెబుతూ ఓ వీడియోను షేర్ చేశారు. అందులో మెగాబ్రదర్స్ చిరంజీవి, నాగబాబు, పవన్ కళ్యాణ్ తమ తల్లి అంజనమ్మతో గడిపిన మధుర క్షణాలున్నాయి. ఎక్కడో లొకేషన్ లో మెగాబ్రదర్స్ ఉన్నారు. అక్కడికే అంజనమ్మ కారులో రాగా.. వారు రిసీవ్ చేసుకున్నారు. ఆమెతో కలిసి భోజనం చేశారు. ఆ తరువాత కాసేపు ముచ్చటించారు.
తరువాత ఆమెని కారులో సాగనంపారు. వర్షం పడుతుంటే అంజనమ్మకు చిరంజీవి గొడుగు పట్టగా.. పవన్ కళ్యాణ్ ఆమెని జాగ్రత్తగా నడిపించుకుంటూ కారు ఎక్కించారు. ఈ వీడియో చాలా ఎమోషనల్ గా ఉంది. బ్యాక్ గ్రౌండ్ లో పవన్ కళ్యాణ్ నటించిన ‘వకీల్ సాబ్’ సినిమాలో ‘మగువ మగువ’ పాటను యాడ్ చేశారు. ఈ వీడియో ఇప్పుడు సోషల్ మీడియాలో తెగ వైరల్ అవుతోంది. ఇది చూసిన నెటిజన్లు సోషల్ మీడియా వేదికగా చిరంజీవిపై ప్రసంశలు కురిపిస్తున్నారు.
ఇంట్లో పెద్ద కొడుకు అంటే మీలా ఉండాలంటూ కామెంట్స్ చేస్తున్నారు. ఇక మెగాస్టార్ సినిమాల విషయానికొస్తే.. ఇటీవల ‘ఆచార్య’ సినిమాతో ప్రేక్షకుల ముందుకు వచ్చిన చిరు.. ప్రస్తుతం ‘గాడ్ ఫాదర్’, ‘భోళా శంకర్’, ‘వాల్తేర్ వీరయ్య’ అనే సినిమాల్లో నటిస్తున్నారు. మరోపక్క పవన్ కళ్యాణ్ ‘హరిహర వీరమల్లు’ సినిమాలో నటిస్తున్నారు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
