నాని హీరోగా దర్శకుడు శివ నిర్వాణ ‘టక్ జగదీష్’ అనే సినిమాను తెరకెక్కించారు. దీనికి మ్యూజిక్ డైరెక్టర్ గా ముందుగా తమన్ ను తీసుకున్నారు. కానీ సడెన్ గా ఆయన్ను తప్పించి గోపి సుందర్ ను ప్రాజెక్ట్ లోకి తీసుకొచ్చారు. తమ సినిమాను పట్టించుకోకుండా మిగిలిన సినిమాలతో తమన్ బిజీగా ఉన్నాడనేది దర్శకుడి కంప్లైంట్. అందుకే తమన్ ను తప్పించారని టాక్. ఇప్పుడు విజయ్ దేవరకొండ హీరోగా శివ నిర్వాణ కొత్త సినిమాను మొదలుపెట్టారు.
ఇది పెద్ద ప్రాజెక్ట్. ప్రస్తుతం తమన్ మంచి ఫామ్ లో ఉన్నారు. పెద్ద సినిమాలన్నీ ఆయన ఖాతాలోకే వెళ్తున్నాయి. విజయ్ దేవరకొండ హీరో కావడంతో ఈ సినిమా కచ్చితంగా తమన్ కి వెళ్తుందని అంతా అనుకున్నారు. పైగా మైత్రి మూవీ మేకర్స్ వారితో తమన్ కి బాండింగ్ ఉండడంతో.. ఆ బ్యానర్ లో వస్తోన్న ఈ సినిమా తమన్ కే దక్కుతుందనుకున్నారు. కానీ అలా జరగలేదు. మలయాళంలో ‘హృదయం’ సినిమాకి మ్యూజిక్ అందించిన హిషామ్ అబ్దుల్ వాహబ్ ని సంగీత దర్శకుడిగా తీసుకున్నారు శివ నిర్వాణ.
దీంతో తమన్ కి శివ నిర్వాణకి మధ్య గ్యాప్ తగ్గలేదనే మాటలు మరింతగా వినిపిస్తున్నాయి. అయితే ఇండస్ట్రీలో మరో స్టోరీ వినిపిస్తోంది. అదేంటంటే..? ఈ సినిమా కోసం తమన్ దగ్గరకు వెళ్లాడట శివ నిర్వాణ. అన్ని మర్చిపోయి మళ్లీ కలిసి పని చేద్దామని కోరాడట. కన్నీ ఇప్పటికే కొన్ని భారీ బడ్జెట్ సినిమాలతో బిజీగా ఉన్న తమన్.. ఈసారికి వద్దు బ్రో.. మీకు కావాల్సినంత సమయం కేటాయించలేకపోవచ్చని సున్నితంగా రిజెక్ట్ చేసినట్లు టాక్. మరి వీరిద్దరి మధ్య ఏం జరిగిందనేది వాళ్లకే తెలియాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
