తమిళ స్టార్ హీరో విజయ్ ఇంట్లో ఆరోగ్యశాఖ తనిఖీలు..!

ఇళయదళపతి విజయ్ ఇంట్లో తాజాగా ఆరోగ్య శాఖ అధికారులు తనిఖీ నిర్వహించారు.కరోనా వైరస్ నేపధ్యంలో … విదేశాలకు వెళ్లి వచ్చిన వారి ఇళ్లకు వెళ్లి… వారి కుటుంబ సభ్యుల ఆరోగ్య పరిస్ధితికి సంబంధించిన పరీక్షలు నిర్వహిస్తున్న సంగతి తెలిసిందే. ఇదే క్రమంలో విజయ్ ఇంట్లో ఉన్న వారిని కూడా టెస్ట్ లు చేసినట్టు తెలుస్తుంది.

చెన్నైలోని విజయ్ కు చెందిన నీలంకరి నివాసాన్ని అధికారులు సందర్శించారు. విజయ్‌తో పాటు ఆయన కుటుంబ సభ్యులకు కరోనా పరీక్షలు నిర్వహించి… వీరెవ్వరూ ఈ మహమ్మారి బారిన పడలేదని తేల్చారు. అంతేకాదు ఆరు నెలల ముందు విజయ్‌ మినహా.. ఆయన కుటుంబ సభ్యులేవరు విదేశాలకు వెల్లలేదని కూడా నిర్థారించి తరువాత ఇంటిలో శానిటైజర్‌ స్ర్పే చేసి వచ్చినట్లు అధికారులు తెలిపారని తెలుస్తుంది.

విజయ్ ఇంట్లో ఆరోగ్య శాఖ వారు వెళ్లినట్టు వార్తలు రాగానే.. ఆయన అభిమానులు ఆందోళనకు గురయ్యారు. అయితే ఎవ్వరికీ కరోనా పాజిటివ్ రాలేదని వారు నిర్ధారించిన తర్వాత వారు ఊపిరి పీల్చుకున్నట్టు తెలుస్తుంది. ఇక విజయ్‌ నటిస్తున్న ‘మాస్టర్‌’ చిత్రం ఈ పాటికే విడుదల కావాల్సి ఉంది కానీ… కరోనా వల్ల విడుదల కాలేదు.
Most Recommended Video

ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్