టాలీవుడ్ స్టార్ హీరో బాలయ్యకు (Balakrishna) తెలుగు రాష్ట్రాల్లో ఊహించని స్థాయిలో ఫ్యాన్ ఫాలోయింగ్ ఉంది. బాలయ్య సినిమా థియేటర్లలో విడుదలైతే ఫస్ట్ డే టికెట్లు దొరకడం సులువు కాదనే సంగతి తెలిసిందే. రాయలసీమలో బాలయ్య సినిమాలు రికార్డ్ స్థాయిలో కలెక్షన్లను సాధించి ఫ్యాన్స్ ను ఎంతగానో ఆకట్టుకున్నాయి. బాలయ్య సినీ రంగ ప్రవేశం చేసి 50 సంవత్సరాలు కాగా జై బాలయ్య స్లోగన్ ఏ స్థాయిలో పాపులర్ అయిందో ప్రత్యేకంగా చెప్పాల్సిన అవసరం లేదు.
తాతమ్మ కల సినిమాతో బాలనటుడిగా బాలయ్య (Balakrishna) కెరీర్ మొదలైంది. 1974 సంవత్సరం ఆగష్టు నెల 30వ తేదీన ఈ సినిమా విడుదలైంది. కెరీర్ తొలినాళ్లలో బాలయ్య ప్రేమ కథా చిత్రాలతో పాటు కుటుంబ కథా చిత్రాలలో ఎక్కువగా నటించి తన నటనతో మెప్పించారు. సోలో హీరోగా మంగమ్మ గారి మనవడు సినిమా హిట్ తర్వాత బాలయ్య కెరీర్ పరంగా వెనక్కు తిరిగి చూసుకోవాల్సిన అవసరం రాలేదు.
భైరవద్వీపం (Bhairava Dweepam) సినిమా బాలయ్య రేంజ్ ను మరింత పెంచింది. అటు భగవంతుని పాత్రలో ఇటు భక్తుని పాత్రలో నటించి బాలయ్య తన నటనతో మెప్పించారు. బాలయ్య ఫ్యాక్షన్ సినిమాలలో ఎక్కువగా నటించి తన సినిమాలతో ఆకట్టుకున్నారు. బాలయ్య గత మూడు సినిమాలు బాక్సాఫీస్ వద్ద సక్సెస్ సాధించి బాలయ్యకు హ్యాట్రిక్ అందించాయి.
అన్ స్టాపబుల్ షోకు హోస్ట్ గా బాలయ్య తన హోస్టింగ్ తో మెప్పించడం గమనార్హం. అభిమానులు తనను బాలయ్య, బాలయ్య బాబు అని పిలిస్తే మాత్రమే ఇష్టమని బాలయ్య పలు సందర్భాల్లో చెప్పుకొచ్చారు. నటుడిగానే కాకుండా ఎమ్మెల్యేగా కూడా బాలయ్య కెరీర్ ను కొనసాగిస్తున్నారు. సినిమా సినిమాకు బాలయ్య రేంజ్ అంతకంతకూ పెరుగుతుండటంతో ఫ్యాన్స్ ఎంతో సంతోషిస్తున్నారు. బాలయ్య త్వరలో మరిన్ని కొత్త ప్రాజెక్ట్ లను ప్రకటించనున్నారు.
Home