దేశవిదేశాల్లోని ప్రేక్షకులు ఎప్పుడెప్పుడు చూస్తామా అని ఎంతో ఆసక్తిగా ఎదురుచూస్తున్న చిత్రం ‘ఆర్.ఆర్.ఆర్’. రాజమౌళి డైరెక్షన్లో ఎన్టీఆర్, రాంచరణ్ లు హీరోలుగా నటిస్తున్న ఈ చిత్రం 10 భాషల్లో ఏక కాలంలో విడుదల కాబోతుంది. ఇప్పటికే 70శాతం షూటింగ్ పూర్తయ్యింది. రాంచరణ్ పుట్టినరోజునాడు.. అల్లూరి సీతారామరాజు పాత్రకు సంబంధించి టీజర్ ను కూడా విడుదల చేశారు.దానికి అద్భుతమైన స్పందన కూడా లభించింది. ఆ తరువాత కరోనా వైరస్ కారణంగా ఏర్పడిన లాక్ డౌన్ వల్ల షూటింగ్ వాయిదా పడింది.
ఈ క్రమంలో ఎన్టీఆర్ పుట్టినరోజున అతని పాత్రకు సంబంధించిన కొమరం భీమ్ టీజర్ విడుదల చెయ్యడం కుదర్లేదు. ఆ టీజర్ కోసం ఎన్టీఆర్ షాట్స్ కావాలట..! అందుకే కుదరలేదని రాజమౌళి తెలిపాడు. అయితే ఇప్పుడు షూటింగ్స్ చేసుకోవచ్చు అని కేంద్ర ప్రభుత్వం పర్మిషన్లు ఇచ్చిన తరుణంలో .. అన్ని సినిమాల షూటింగ్లను మొదలుపెట్టడానికి దర్శకనిర్మాతలు రెడీ అవుతున్నారు. ఇదే క్రమంలో ‘ఆర్.ఆర్.ఆర్’ షూటింగ్ కు సంబంధించి మొదట ఎన్టీఆర్ షాట్స్ తీసి ..
టీజర్ ను విడుదల చెయ్యడమే మొదటి లక్ష్యం అని రాజమౌళి ఇటీవల ఓ సందర్భంలో చెప్పుకొచ్చాడు. అందుకే చరణ్ ను కూడా కొమరం భీమ్ పాత్రకు వాయిస్ ఓవర్ ఇవ్వడానికి రెడీ అవ్వమని చెప్పాడట. చరణ్ కూడా ఇందుకు ఓకే చెప్పినట్టు తెలుస్తుంది. అంటే అతి త్వరలో ‘రామరాజు ఫర్ భీమ్’ ను చూసే ఛాన్స్ ఉందన్న మాట.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
Home