Neha Chowdary: నేహా చౌదరికి ఓటేయమంటున్న వెస్ట్ ఇండీస్ క్రికెటర్!

బుల్లితెరపై బిగ్గెస్ట్ రియాలిటీ షోగా గుర్తింపు తెచ్చుకుంది బిగ్ బాస్. ఇప్పటికే ఐదు సీజన్లను పూర్తి చేసుకున్న ఈ సిరీస్ ఇప్పుడు ఆరో సీజన్ లోకి ఎంటర్ అయింది. అప్పుడే రెండు వారాలను కూడా పూర్తి చేసుకుంది. తొలి రెండు వారాలు చప్పగా సాగినా.. మూడో వారంలోకి వచ్చేసరికి మాత్రం రసవత్తరంగా మారింది. నామినేషన్స్ మొదలు.. కెప్టెన్సీ టాక్ వరకు ఇంటి సభ్యులు గొడవ పడుతూనే ఉన్నారు. ఇక ఈ వారం ఎలిమినేట్ అవ్వడానికి మొత్తం తొమ్మిది మంది నామినేట్ అయ్యారు.

వారెవరంటే.. వాసంతి కృష్ణన్, బాలాదిత్య, ఆరోహి, చలాకి చంటి, శ్రీహాన్, ఇనయా సుల్తానా, నేహా చౌదరి, రేవంత్, గీతూ రాయల్. వీరిలో ఎవరో ఒకరు ఈ వారం హౌస్ నుంచి బయటకు వెళ్లనున్నారు. దీంతో ఎలాగైనా హౌస్ లో కొనసాగాలనే పట్టుదలతో వీరంతా గేమ్ ఆడుతున్నారు. తమ ఆటతీరుతో ఆడియన్స్ ఓట్లు సంపాదించడానికి ప్రయత్నిస్తున్నారు. మరోపక్క తమకు నచ్చిన కంటెస్టెంట్స్ కు ఓట్లు వేయాలని సోషల్ మీడియాలో ప్రచారం చేస్తున్నారు వారి సపోర్టర్స్.

ఇప్పటివరకు ఇదంతా తెలుగు రాష్ట్రాల వరకే పరిమితమైంది. కానీ తాజాగా ఎలిమినేషన్ లిస్ట్ లో ఉన్న నేహా చౌదరి కోసం మాత్రం ఏకంగా క్రికెట్ దిగ్గజం బ్రియన్ లారా రంగంలోకి దిగారు. సోషల్ మీడియా వేదికగా నేహా చౌదరికి ఓట్లు వేయాలని రిక్వెస్ట్ చేశారు.బ్రియన్ లారా లాంటి స్టార్ క్రికెటర్ నేహా చౌదరికి సపోర్ట్ చేయడమేంటని అందరూ షాక్ అవుతున్నారు. వీరిద్దరికీ పరిచయం ఎలా ఏర్పడిందని ఆరా తీస్తున్నారు.

అసలు విషయమేమిటంటే.. నేహా చౌదరి ఇదివరకు స్పోర్ట్స్ ప్రెజంటర్ గా వర్క్ చేసింది. ఇండియా క్రికెట్ మ్యాచ్ లకు తెలుగు కామెంట్రీ చేసే వ్యక్తుల్లో నేహా ఒకరు. ఆ సమయంలోనే బ్రియన్ లారాతో నేహాకు పరిచయం ఏర్పడింది. అందుకే ఆమె కోసం లారా తన ఇన్స్టాగ్రామ్ స్టోరీస్ లో నేహాకి ఓటు వేయమని కోరారు.

ఆ అమ్మాయి గురించి మీకు చెప్పాలి సినిమా రివ్యూ & రేటింగ్!

Most Recommended Video

శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!