‘చిరు’ని పొగడ్తల్లో ముంచెత్తిన దాసరి!!!

టాలీవుడ్ ఇండస్ట్రీలో దర్శకరత్న దాసరినారాయణరావు అంటే చాలా మందికి అభిమానం. ఒకరకంగా చెప్పాలి అంటే గురువుగారి లెక్క. అయితే అలాంటి దాసరి కి అత్యంత సన్నిహితుడు, శిష్యుడు, ఇంకా చెప్పాలి అంటే భక్తుడు మన మోహన్ బాబు. అదే క్రమంలో ఎందరినో ఇండస్ట్రీలోకి తీసుకువచ్చాడు మన దర్శకరత్న. అయితే అలా దాసరి పుణ్యమా అని ఇండస్ట్రీలోకి అడుగుపెట్టిన వాళ్ళంతా దాసరిని గౌరవంతో గురువుగారు అని పిలుస్తారు. ఇక మెగా స్టార్ సైతం దాసరిని గురువుగా భావిస్తాడు

అయితే ఒకే వర్గానికి చెందిన వీరిద్దరి మధ్య కాస్త విభేధాలు ఉన్న మాట బహిరంగ రహస్యమే అయినప్పటికీ ఎవరికి వారు యమునా తీరే అన్నట్లుగా వ్యవహరిస్తూ ఉంటారు. ఇదిలా ఉంటే తాజాగా దాసరి చిరుని పొగడ్తలతో ముంచెత్తారు..సడన్ గా దాసరిలో ఈమార్పుకి కారణం ఎందుకో తెలీదు కానీ…మొత్తానికి చిరుని పొగడ్తలతో ముంచెత్తాడు దాసరి. ఇంతకీ విషయం ఏమిటంటే…శ్రీరస్తు శుభమస్తు చిత్రాన్ని చూసిన తర్వాత.. దాసరి వెంటనే అల్లు అరవింద్ కు ఫోన్ చేసి మరీ ప్రెస్ మీట్ ఏర్పాటు చేయమన్నానని చెప్పారు.

అదే క్రమంలో ఈ సినిమా గురించి మాట్లాడుతూ….ముఖ్యంగా శిరీష్ లో తనకు నచ్చిన విషయాల్లో క్రమశిక్షణ అన్నిటికంటే ముఖ్యమైనది అన్న దాసరి.. ‘చిరంజీవి గారి ఫుట్ స్టెప్స్ కానివ్వండి.. అరవింద్ క్రమశిక్షణ కానివ్వండి.. వీళ్లందరిలో డిసిప్లిన్ ఉంది’ అంటూ కుండబద్దలు కొట్టేశారు. క్రమశిక్షణ అనే మాట మనసులో మెదలగానే.. దాసరికి చిరంజీవి గుర్తొచ్చారంటే.. ఆయన దృష్టిలో చిరంజీవికి ఎంత విలువ ఉందో అర్ధమవుతుంది. ఏది ఏమైనా…పైకి కాస్త శత్రువులుగా నటించినా వీరికి వారిపట్ల అభిమానం ఎంత ఉందో మరోసారి రుజువుఅయ్యింది.