మే లో సెట్స్ మీదకు వెళ్లనున్న వెంకటేష్, వరుణ్ మల్టీస్టారర్ మూవీ!

కొత్త దర్శకుడు వెంకీ అట్లూరి దర్శకత్వంలో మెగా హీరో వరుణ్ తేజ్ నటించిన తొలి ప్రేమ ట్రైలర్ నేడు రిలీజ్ అయి మంచి రెస్పాన్స్ అందుకుంటోంది. రాశిఖన్నా హీరోయిన్ గా నటించిన ఈ మూవీ ఫిబ్రవరి 10 న రిలీజ్ కానుంది. ఈ సినిమా తర్వాత అనిల్ రావిపూడితో మల్టీస్టారర్ మూవీ మొదలు పెట్టనున్నారు. విక్టరీ వెంకటేష్ తో కలిసి స్క్రీన్ షేర్ చేసుకోనున్నారు. ఈ సినిమా గురించి వరుణ్ తేజ్ అధికారికంగా ప్రకటించక పోయినా.. సినిమా పనులు మాత్రం వేగంగా సాగుతున్నట్టు ఫిలిం నగర్ వాసులు చెప్పారు. దిల్ రాజు నిర్మించనున్న ఈ చిత్రానికి F2 అనే టైటిల్ ఫిక్స్ చేశారు.  ఫన్ అండ్ ఫ్రస్టేషన్ అనేది ట్యాగ్ లైన్.

ఇందులో వరుణ్ తేజ్ సరసన మెహ్రీన్ ని ఫిక్స్ చేసినట్లు తెలిసింది. అనిల్ రావిపూడి గత చిత్రం ‘రాజా ది గ్రేట్’ లో నటనకు మెచ్చి ఇందులో అవకాశం ఇచ్చినట్లు టాక్. ప్రస్తుతం వెంకటేష్ తేజ దర్శకత్వంలో “ఆట నాదే వేట నాదే” అనే సినిమా కోసం సిద్ధమవుతున్నారు. వెంకీ ప్రొఫెసర్ గా కనిపించనున్న ఈ మూవీ ఫిబ్రవరి చివరి వారంలో రెగ్యులర్ షూటింగ్ కి వెళ్లనుంది. సురేశ్ ప్రొడక్షన్స్, ఎ.కె. ఎంటర్‎టైన్ మెంట్స్ సంయుక్తంగా నిర్మిస్తున్న ఈ మూవీని వేగంగా కంప్లీట్ చేయాలనీ తేజ భావిస్తున్నారు. రెండు నెలల్లో ఈ చిత్రాన్ని కంప్లీట్ చేసి మల్టీ స్టారర్ సినిమాలో వెంకటేష్ జాయిన్ కానున్నారు.