Devara: ఆ పట్టణంలో రూ.కోటి సాధించిన దేవర.. సీడెడ్ లో సత్తా చాటాడుగా!

యంగ్ టైగర్ జూనియర్ ఎన్టీఆర్ కు (Jr NTR)  సోషల్ మీడియాలో క్రేజ్, ఫ్యాన్ ఫాలోయింగ్, పాపులారిటీ ఏ స్థాయిలో ఉందో ప్రత్యేకంగా చెప్పాల్సిన అవసరం అయితే లేదు. తారక్ దేవర (Devara) సినిమాతో మరో బ్లాక్ బస్టర్ హిట్ ను ఖాతాలో వేసుకున్న సంగతి తెలిసిందే. ఈ సినిమాకు మిక్స్డ్ టాక్ వచ్చినా టాక్ తో సంబంధం లేకుండా కలెక్షన్ల విషయంలో మాత్రం అదరగొడుతోంది. సీడెడ్ లో ఈ సినిమాకు రికార్డ్ స్థాయిలో కలెక్షన్లు వస్తున్నాయి.

Devara

అయితే నంద్యాల టౌన్ లో ఏకంగా ఈ సినిమాకు కోటి రూపాయల గ్రాస్ కలెక్షన్లు వచ్చాయి. గతంలో ఆర్.ఆర్.ఆర్  (RRR) సినిమా నంద్యాల టౌన్ లో ఈ ఘనతను సొంతం చేసుకోగా ఇప్పుడు దేవర సినిమాకు ఈ ఘనత దక్కింది. తారక్ సినిమాలు మాత్రమే నంద్యాల టౌన్ లో ఈ అరుదైన రికార్డ్స్ ను సొంతం చేసుకోవడం కొసమెరుపు.

సీడెడ్ ఏరియా తారక్ అడ్డా అని కామెంట్లు వ్యక్తమవుతున్నాయి. జూనియర్ ఎన్టీఆర్ సినిమాలు క్రియేట్ చేస్తున్న రికార్డులు ఫ్యాన్స్ కు ఎంతో సంతోషాన్ని కలిగిస్తున్నాయి. యంగ్ టైగర్ జూనియర్ ఎన్టీఆర్ ఇకపై కెరీర్ పరంగా మరింత బిజీగా ఉంటూ మరిన్ని విజయాలను సొంతం చేసుకోవాలని అభిమానులు ఫీలవుతున్నారు. ఎన్టీఆర్ తర్వాత సినిమాలు ఎన్నో ప్రత్యేకతలతో తెరకెక్కుతున్నాయి.

మరోవైపు దేవర (Devara) సినిమాకు ఇప్పటివరకు 396 కోట్ల రూపాయల గ్రాస్ కలెక్షన్లు వచ్చాయని మేకర్స్ ప్రకటించారు. మెజారిటీ ఏరియాలలో ఈ సినిమా బ్రేక్ ఈవెన్ ఇప్పటికే పూర్తైంది. ఫుల్ రన్ లో ఈ సినిమా సులువుగానే 500 కోట్ల రూపాయలకు పైగా కలెక్షన్లను సాధించే అవకాశం ఉంది. దేవర కలెక్షన్ల విషయంలో ఫ్యాన్స్ ఎంతగానో సంతోషంగా ఉన్నారని సమాచారం అందుతోంది.

‘రాజ రాజ చోర’ చిత్రానికి ప్రీక్వెల్ గా ‘శ్వాగ్’ ఉంటుందా.. శ్రీవిష్ణు క్లారిటీ ఇదే.!