Devara: ‘దేవర’ కోసం తన సెంటిమెంట్‌నే తారక్‌ నమ్ముకున్నాడా? చూస్తుంటే..

సినిమా వాళ్లకు సెంటిమెంట్లు ఎక్కువ? అందులోనూ నెంబర్‌ల మీద ఇంకా ఎక్కువ అని అంటుంటారు. అందుకు తగ్గట్టుగానే వాళ్ల సినిమా రిలీజ్‌ డేట్లు, పోస్టర్‌ లాంచ్‌ డేట్లు, టీజర్‌ డేట్లు ఇలా అన్నీ ఆ నెంబరు చుట్టూ తిరుగుతూ ఉంటాయి. ఇలా నెంబర్ల కాన్సెప్ట్‌ను బాగా ఫాలో అయ్యే హీరోలు కూడా ఉన్నారు. అలాంటివారిలో తారక్‌  (Jr NTR) ఒకడు. ఆయన తాజా సినిమా ‘దేవర’ (Devara) విషయంలో అదే జరుగుతోంది. కావాలంటే ‘దేవర’ సినిమా టీమ్‌ ఎక్స్‌ (మాజీ ట్విటర్‌) పేజీ చూడండి.

Devara

ఇంకా కావాలంటే ఈ సినిమా గురించి వస్తున్న లేటెస్ట్‌ పుకార్లు చూడండి. అంతెందుకు సినిమా రిలీజ్‌ డేట్‌ చూడండి. విడుదలైన పాటలు, టీజర్‌ల టైమ్‌లు కూడా చూడండి. సినిమాను సెప్టెంబరు 27న రిలీజ్‌ చేస్తున్నారు. అంటే 2+7=9. ఇక సినిమా స్పెషల్‌ షోలు 27న వేకువజామును 1:08కి పడేలా చూస్తున్నారట. ఇవే కాదు ఇంకా చాలానే ఉన్నాయి. మామూలుగానే తారక్ లక్కీ నెంబర్ 9. ఆయన కారు నెంబర్లు దాదాపుగా అన్నీ ‘9’తోనే ఉంటాయి.

అలాంటిది సినిమా విషయంలో కాకుండా ఎందుకు ఉంటుంది చెప్పండి. మొన్నీమధ్య వచ్చిన సైఫ్‌ అలీ ఖాన్‌ (Saif Ali Khan) టీజర్‌ను 4:05కి లాంచ్‌ చేశారు. అంతకుముందు ‘చుట్టమల్లె..’ సాంగ్‌ను 5:04కి రిలీజ్‌ చేశారు. తొలి పాట ‘ఫియర్‌’ను 7:02కి రిలీజ్‌ చేశారు. ఇలా అన్నింటా ‘9’ కనిపిస్తోంది. ఎన్టీఆర్‌ సరసన జాన్వీ (Janhvi Kapoor)  నటిస్తున్న ఈ సినిమాను కొరటాల శివ (Koratala Siva) తెరకెక్కిస్తున్నారు. ‘ఆచార్య’ ఫలితం తర్వాత తీవ్రంగా ట్రోలింగ్‌కి గురైన కొరటాల శివకు ఈ సినిమా విజయం అత్యంత కీలకం.

ఇక ‘ఆర్‌ఆర్‌ఆర్‌’ (RRR) తర్వాత తారక్‌ ఈ సినిమాతోనే వస్తున్నాడు. కాబట్టి అతనికీ అత్యవసరం. మరి ఇంతమంది విజయం అత్యవసరం అనుకుంటుండగా వస్తున్న ఈ సినిమా ఫలితం ఎలా ఉండబోతోందో చూడాలి. ఈ క్రమంలో ‘9’ సెంటిమెంట్‌ ఇంకెంత పాటిస్తారో కూడా తెలుస్తుంది.

 వెంకీ అనిల్ మూవీకి ఈ టైటిల్ నే ఫిక్స్ చేస్తారా.. ఏం జరిగిందంటే?