Dhanaraj: జబర్దస్త్ కు ధనరాజ్ దూరం కావడానికి కారణమిదే!

బుల్లితెర షోల ద్వారా, సినిమాల ద్వారా ఊహించని స్థాయిలో పాపులర్ అయిన కమెడియన్లలో ధనరాజ్ ఒకరనే సంగతి తెలిసిందే. అయితే ఇతర ఛానెళ్లలో ఆఫర్ రావడంతో ధనరాజ్ జబర్దస్త్ షోకు గుడ్ బై చెప్పడం జరిగింది. అయితే జబర్దస్త్ షో ద్వారా సక్సెస్ సాధించిన స్థాయిలో ఇతర ఛానెళ్లలోని ప్రోగ్రామ్ లతో ధనరాజ్ సక్సెస్ సాధించలేకపోయారు. ఆ తర్వాత ధనరాజ్ జబర్దస్త్ షోలోకి రీఎంట్రీ ఇవ్వాలని ప్రయత్నాలు చేసినా ఆ ప్రయత్నాలు వర్కౌట్ కాలేదు.

అయితే తాజాగా ఒక యూట్యూబ్ ఛానల్ కు ఇచ్చిన ఇంటర్వ్యూలో ధనరాజ్ మాట్లాడుతూ జబర్దస్త్ షోకు గుడ్ బై చెప్పి తప్పు చేశానని అన్నారు. ఈ విషయంలో నేను వేణును చాలాసార్లు తిడతానని ధనరాజ్ తెలిపారు. మా టీవీలో అలీ టాకీస్ అనే ప్రోగ్రామ్ వచ్చేదని అలీ ఆ షోకు కొన్ని కారణాల వల్ల దూరం కావడంతో అలీ టాకీస్ ను మా టాకీస్ గా మార్చారని ధనరాజ్ తెలిపారు. వేణు వచ్చి నువ్వు, నేను యాంకర్స్ అని చెప్పి నన్ను ఆ షో కోసం చేయడానికి ఒప్పించారని ధనరాజ్ అన్నారు.

జబర్దస్త్ షో కామెడీ స్కిట్స్ కు సంబంధించిన షో కాగా మా టాకీస్ యాంకరింగ్ షో అని రెండూ వేర్వేరు కాబట్టి సమస్య ఉండదని అనుకున్నానని ధనరాజ్ తెలిపారు. రెండు షోలు పూర్తిస్థాయిలో భిన్నమైన షోలు కాబట్టి సమస్య రాదని అనుకున్నామని ధనరాజ్ చెప్పుకొచ్చారు. నేను వెళ్లి జబర్దస్త్ దీప్తిగారితో మాట్లాడానని ఆవిడ మీరు ఇక్కడా కనిపించి అక్కడా కనిపిస్తే ఎక్స్ క్లూజివ్ నెస్ పోతుందని అన్నారని ధనరాజ్ తెలిపారు.

ఆ షో అయిపోయిన తర్వాత జబర్దస్త్ కు రావాలని దీప్తి గారు సూచించారని ధనరాజ్ చెప్పుకొచ్చారు. ఆ తర్వాత అక్కడికి వెళ్లాలంటే అప్పటివరకు టీమ్ లీడర్లుగా చేసిన వాళ్లు మళ్లీ కంటెస్టెంట్లుగా చేయాల్సి ఉంటుందని అందువల్ల సమస్యలు వస్తాయని భావించానని ఆయన అన్నారు. 200 రూపాయలతో ఇండస్ట్రీకి వచ్చానని ధనరాజ్ తెలిపారు. ధనరాజ్ వెల్లడించిన విషయాలు సోషల్ మీడియాలో వైరల్ అవుతున్నాయి.

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!