సంక్రాంతి విన్నర్ ఎవరో తేల్చిచెప్పిన దిల్ రాజు..!

స్టార్ ప్రొడ్యూసర్ దిల్ రాజు నేడు పాత్రికేయుల సమావేశంలో పాల్గొన్నారు. ఆయన నిర్మించిన జాను మూవీ ఈనెల 7న విడుదల అవుతున్న నేపథ్యంలో జాను చిత్ర విశేషాలు పంచుకున్నారు. కాగా సంక్రాంతికి విడుదలైన అల వైకుంఠపురంలో, సరిలేరు నీకెవ్వరు రెండు చిత్రాలలో సంక్రాంతి విన్నర్ ఎవరు అనే క్లిస్టమైన ప్రశ్నను ఓ విలేకరి ఆయన్ని అడగడం జరిగింది. దీనికి దిల్ రాజు తడుముకోకుండా తెలివైన సమాధానం చెప్పారు. 2020 సంక్రాంతి విన్నర్ టాలీవుడ్ అని చెప్పిన ఆయన రెండు చిత్రాలు బ్లాక్ బస్టర్ గా నిలిచాయి అన్నారు.

సాధారణంగా సంక్రాంతికి ఇద్దరు పెద్ద హీరోల సినిమాలు వస్తే ఒకటి భారీ హిట్ కావడం మరొకటి అంతంకంటే తక్కువ విజయాన్ని నమోదు చేయడం జరిగేది, కానీ ఈ సారి రెండు చిత్రాలు నాన్ బాహుబలి రికార్డ్స్ నమోదు చేశాయి. మహేష్ మరియు బన్నీ కెరీర్ బెస్ట్ కలెక్షన్స్ రాబట్టారు అన్నారు. ఓ మంచి సినిమా వస్తే ఈ స్థాయి వసూళ్లు సాధించవచ్చని అల వైకుంఠపురంలో, సరిలేరు నీకెవ్వరు నిరూపించాయి అన్నారు. ఇక కలెక్షన్స్ లెక్కలు అన్నీ నిజమేనా అన్న ప్రశ్నకు, జిఎస్ టి కారణంగా కొంత అస్పష్టత ఉందని కొంచెం తడబాటు సమాధానం చెప్పారు. ఇక దిల్ రాజు సరిలేరు నీకెవ్వరు చిత్ర నిర్మాణ భాగస్వామిగా ఉన్నారన్న సంగతి తెలిసిందే.

Most Recommended Video

అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!