Dil Raju: డిస్ట్రిబ్యూషన్లో కూడా రాజు గారు వీకైపోయినట్టేనా?

టాలీవుడ్ స్టార్ ప్రొడ్యూసర్ దిల్ రాజు(Dil Raju) ఈ మధ్య కాలంలో చాలా డౌన్ ఫాల్ చూశారు. ‘శాకుంతలం’ ‘ది ఫ్యామిలీ స్టార్’ ‘లవ్ మీ’ ‘గేమ్ ఛేంజర్’ ‘తమ్ముడు’ ఇలా ఆయన నిర్మాణంలో వచ్చిన సినిమాలు అన్నీ ఫ్లాపులే. ‘సంక్రాంతికి వస్తున్నాం’ తో పెద్ద బ్లాక్ బస్టర్ కొట్టినా.. అది ‘గేమ్ ఛేంజర్’ వల్ల మిగిలిన నష్టాలు తీర్చడానికి మాత్రమే పనికొచ్చింది. ప్రస్తుతం దిల్ రాజు నిర్మిస్తున్న ‘రౌడీ జనార్దన’ సెట్స్ పై ఉంది. మరోపక్క ‘ఎల్లమ్మ’ అనే క్రేజీ ప్రాజెక్టుని కూడా నిర్మిస్తున్నారు. ఇవి రిలీజ్ అవ్వడానికి ఇంకా టైమ్ పట్టొచ్చు.

Dil Raju

అయితే నిర్మాతగా దిల్ రాజు వెనుకబడినా.. ఆర్దికంగా స్థిరంగా నిలబడ్డారు అంటే కారణం డిస్ట్రిబ్యూషన్ వల్లనే అనడంలో ఎటువంటి సందేహం లేదు. ఈ సంక్రాంతికి వచ్చిన ‘మన శంకర వరప్రసాద్ గారు’ ‘అనగనగా ఒక రాజు’ ‘నారీ నారీ నడుమ మురారి’ వంటి సినిమాలని నైజాంలో దిల్ రాజు డిస్ట్రిబ్యూట్ చేశారు. విచిత్రంగా ఈ 3 కూడా బ్లాక్ బస్టర్ అయ్యాయి. దిల్ రాజుకి లాభాలు తెచ్చిపెట్టాయి. దీంతో ఇక నుండి దిల్ రాజుకి బాగానే ఉంటుందేమో అని అంతా అనుకున్నారు.

కానీ ఇంతలోనే ఆయనకి పెద్ద షాక్ తగిలింది. ఇప్పటివరకు దిల్ రాజు ద్వారా రిలీజ్ అయిన ‘సితార ఎంటర్టైన్మెంట్స్’ సినిమాలు ఇప్పుడు ‘అన్నపూర్ణ..’ కి షిఫ్ట్ అయ్యాయి. సో దిల్ రాజు డిస్ట్రిబ్యూషన్ కి ఫీడింగ్ కరువైనట్టే. దీంతో పంతానికి పోయి ‘టాక్సిక్’ అనే డబ్బింగ్ సినిమా హక్కులను రూ.120 కోట్లకు కొనుగోలు చేశారు. దానిపై మినిమమ్ బజ్ కూడా లేదు. కేవలం అది డబ్బింగ్ సినిమా నిర్మాతలను ఆకట్టుకోవడానికి వేసిన స్కెచ్ లా అనిపిస్తుంది.

ఎందుకంటే డబ్బింగ్ సినిమా హక్కులను ‘మైత్రి డిస్ట్రిబ్యూషన్’ సంస్థ ఎక్కువగా చేజిక్కించుకుంటుంది. ఆ విషయంలో దూసుకుపోతుంది కూడా.! సో డిస్ట్రిబ్యూషన్లో కూడా దిల్ రాజు నలిగిపోవడం గ్యారెంటీ అనే సమాధానాలు ఎక్కువగా వినిపిస్తున్నాయి.

పరశురామ్ కి అతను తప్ప వేరే ఆప్షన్ లేదా?