టాలీవుడ్ ఇండస్ట్రీలోని టాప్ ప్రొడ్యూసర్లలో దిల్ రాజు ఒకరు కాగా ప్రస్తుతం పాన్ ఇండియా ప్రాజెక్ట్ లను నిర్మిస్తున్న ఈ నిర్మాత ఆ సినిమాలతో కళ్లు చెదిరే లాభాలను అందుకుంటున్నారు. ఒకవైపు పెద్ద సినిమాలను నిర్మిస్తూనే మరోవైపు మంచి కంటెంట్ తో ఉన్న చిన్న సినిమాలను నిర్మిస్తూ విజయాలను సొంతం చేసుకుంటున్నారు. దిల్ రాజు నిర్మిస్తున్న గేమ్ ఛేంజర్ మూవీ వచ్చే ఏడాది సమ్మర్ కానుకగా రిలీజ్ కానుంది. ప్రభాస్, జూనియర్ ఎన్టీఆర్ లతో దిల్ రాజు సినిమాలను ప్లాన్ చేయగా ఆ సినిమాలు సెట్స్ పైకి ఎప్పుడు వెళ్తాయో తెలియాల్సి ఉంది.
ఈ సినిమాలకు దర్శకులు ఎవరనే ప్రశ్నకు సంబంధించి సమాధానం దొరకాల్సి ఉంది. మరోవైపు తాజాగా ఫిల్మ్ ఛాంబర్ ఎలక్షన్స్ లో గెలిచి దిల్ రాజు ఫిల్మ్ ఛాంబర్ అధ్యక్షుడిగా పదవిని చేపట్టారు. దిల్ రాజు తనదైన ప్లానింగ్ తో ఈ ఎన్నికల్లో సక్సెస్ కావడం గమనార్హం. అయితే దిల్ రాజు అటు ఏపీ సీఎంను ఇటు తెలంగాణ సీఎంను కలవనున్నారని తెలుస్తోంది. టాలీవుడ్ ఇండస్ట్రీ తెలుగు రాష్ట్రాల ప్రభుత్వాల నుంచి ఏం కోరుకుంటుందో దిల్ రాజు వెల్లడించనున్నారని తెలుస్తోంది.
ప్రస్తుతం పాన్ ఇండియా సినిమాలు భారీ బడ్జెట్లతో తెరకెక్కుతున్న నేపథ్యంలో ప్రభుత్వాల నుంచి సహాయ సహకారాలు అందే విధంగా దిల్ రాజు అడుగులు పడుతున్నాయని తెలుస్తోంది. ఏపీలో ఎన్నికలకు తక్కువ సమయం ఉన్న నేపథ్యంలో సీఎం జగన్ సైతం టాలీవుడ్ ఇండస్ట్రీకి అనుకూలంగా వ్యవహరించే ఛాన్స్ అయితే ఉంది.
ఇండస్ట్రీకి మేలు జరిగేలా (Dil Raju) దిల్ రాజు చేస్తే మాత్రం ప్రొడ్యూసర్ గా దిల్ రాజు పాపులారిటీ మరింత పెరిగే ఛాన్స్ ఉంది. దిల్ రాజు ఎన్నికల్లో ఎంపీగా పోటీ చేస్తారని జోరుగా ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
