దిల్ రాజు బ్యానర్లో ప్రభాస్ రెండు సినిమాలు చేసాడు. ఒకటి ‘మున్నా’. వంశీ పైడిపల్లిని దర్శకుడిగా పరిచయం చేస్తూ ప్రభాస్ తో మొదటిగా ‘మున్నా’ సినిమాని నిర్మించారు దిల్ రాజు. అప్పటివరకు దిల్ రాజు నిర్మించిన సినిమాలు అన్నీ సూపర్ హిట్లే.దాంతో ‘మున్నా’ పై భారీ అంచనాలు నెలకొన్నాయి. కానీ ఈ సినిమా రిజల్ట్ తేడా కొట్టింది. అప్పటికే బ్యాడ్ ఫామ్లో ఉన్న ప్రభాస్ కు.. ఈ మూవీ మరింత దెబ్బ కొట్టింది. దీంతో దిల్ రాజు బాగా హర్ట్ అయ్యారట.
సుదర్శన్ 35 ఎం.ఎం లో సినిమా చూసిన వెంటనే ప్రభాస్ వద్దకి వెళ్ళిపోయి ‘ప్రభాస్ నీకు హిట్ ఇవ్వలేకపోయాను సారీ’ అని చెప్పి బాధపడ్డాడట. కొన్నాళ్ళకి ఆ లోటుని మిస్టర్ పర్ఫెక్ట్ తో తీర్చుకున్నాడు దిల్ రాజు. ప్రభాస్ కు యూత్ అండ్ ఫ్యామిలీస్ లో ఉన్న ఫాలోయింగ్ కు ఈ సినిమా బాగా నచ్చేసి.. అప్పటికి ప్రభాస్ కెరీర్లో హైయెస్ట్ కలెక్షన్స్ సాధించిన మూవీగా నిలిచింది. అయితే ఈ మూవీలో హీరోయిన్ గా మొదట రకుల్ ప్రీత్ ను అనుకున్నారట.
ఈ విషయాన్ని స్వయంగా దిల్ రాజు ఇటీవల పాల్గొన్న ఓ ఇంటర్వ్యూలో చెప్పుకొచ్చాడు. అందుకు సంబంధించిన ప్రోమో ఒకటి ప్రస్తుతం వైరల్ అవుతుంది. అంతేకాదు ఈ ప్రోమోలో ‘ఆర్య’ సినిమా కథని అల్లు అర్జున్ కంటే ముందుగా చాలా మంది హీరోలకి వినిపించామని, అందులో రవితేజతో పాటు ప్రభాస్ కూడా ఉన్నాడని దిల్ రాజు చెప్పుకొచ్చాడు. తాను ప్రభాస్ తో సినిమా నిర్మించినా.. నిర్మించకపోయినా ప్రభాస్ సినిమాలను పలు ఏరియాల్లో దిల్ రాజు డిస్ట్రిబ్యూట్ చేసిన సందర్భాలు చాలానే ఉన్నాయి.
త్వరలో ప్రభాస్ తో ఓ పాన్ ఇండియా సినిమాని నిర్మించేందుకు కూడా దిల్ రాజు రెడీ అవుతున్నాడు. అప్పుడే పారితోషికం రోజుకి రూ.1.2 కోట్లు ఇచ్చే విధంగా డిస్కషన్లు కూడా జరిగాయట. అయితే డైరెక్టర్ ఇంకా ఫిక్స్ అవ్వలేదు. అసలు ప్రభాస్ పై దిల్ రాజుకి ఇంత ప్రేమెందుకో..!
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
