Dil Raju: నిర్మాతకు విలువలేదు… దిల్‌ రాజు షాకింగ్‌ కామెంట్స్‌

February 20, 2026 / 11:51 AM ISTByFilmy Focus Desk

Join Us

సినిమా పరిశ్రమలో స్నేహం, ప్రేమ, అభిమానం, బంధుత్వం ఎక్కువ రోజులు నిలవవు అని అంటారు. కొంతమంది పెదవి చివర ఇవి ఉంటే.. మరికొందరికి అసలు ఆ పట్టింపే ఉండదు అంటారు. అందుకేనేమో అప్పుడప్పుడు మన సినిమా జనాలు ‘ఇండస్ట్రీ అసలు రంగు’ ఇదీ అంటూ తమ పాత స్నేహాలు, ప్రేమలు, అభిమానాలు, బంధుత్వాలు వదిలేసి మాట్లాడుతుంటారు. ఆ క్రమంలో బయటకు వచ్చే మనసులో మాట చాలా హార్ష్‌గా ఉంటుంది అని చెప్పాలి. ఇప్పుడు ప్రముఖ నిర్మాత దిల్‌ రాజు మరోసారి అలా మాట్లాడారు.

Dil Raju

గతంతో పోలిస్తే ఇప్పుడు సినిమా పరిశ్రమలో నిర్మాతకు విలువ లేదని దిల్‌ కామెంట్స్‌ చేయడం ఇప్పుడు సోషల్‌ మీడియాలో, టాలీవుడ్‌లో పెద్ద చర్చ జరగడానికి కారణమైంది. ఇప్పుడు పరిశ్రమలో తీసుకునేవారే ఇచ్చిన వారిని శాసిస్తున్నారు అంటూ నటులు, సాంకేతిక నిపుణుల గురించి ఆయన ఇన్‌డైరెక్ట్‌గా మాట్లాడారు. సీనియర్‌ నిర్మాత అట్లూరి పూర్ణచంద్రరావుకు సంబంధించి ఇటీవల జరిగిన ఓ కార్యక్రమంలో దిల్‌ రాజు ఈ మేరకు మాట్లాడారు.

అట్లూరి పూర్ణచంద్రరావు 90వ జన్మదినం సందర్భంగా ఇటీవల కర్ణాటకలోని మడికేరిలోని ఓ రిసార్ట్‌ను ఓ కార్యక్రమం జరిగింది. అందులో దిల్‌ రాజు మాట్లాడుతూ పూర్ణచంద్రరావు ఎంతోమందికి స్ఫూర్తిదాయకమని కొనియాడారు. 87 సినిమాలను నిర్మించిన ఆయన సమర్పణలో తాను ఓ సినిమా నిర్మించాలని అనుకుంటున్నాను అని దిల్ రాజు ప్రకటించారు. పూర్ణచంద్రరావు సినిమాల తరహాలో విలువలతో కూడిన చిత్రాన్ని నిర్మిస్తానని వెల్లడించారు.

ఆ తర్వాత టాలీవుడ్‌లో నిర్మాత పరిస్థితి గురించి మాట్లాడారు. ఒకప్పుడు నిర్మాతలకు విపరీతమైన గౌరవం చూపించేవారు. పరిశ్రమను పోషించేది వాళ్లే కాబట్టి అందరూ వాళ్లను దేవుళ్లలా భావించేవారని గుర్తు చేశారు. ఎన్టీఆర్, ఏఎన్ఆర్ ఓ సందర్భంలో కింద కూర్చుంటే, కొందరు నిర్మాతలు వాళ్ల ముందే కుర్చీల్లో కూర్చున్నారని.. అప్పట్లో అంతలా నిర్మాతను గౌరవించే సంస్కారం ఉండేది అని దిల్‌ రాజు చెప్పారు.

కానీ ఇప్పుడు నిర్మాతలు.. స్టార్‌ నటులు, పెద్ద దర్శకులు భయపడే రోజులు వచ్చాయి. రూ. వందల కోట్లు పెట్టుబడి పెడుతున్నా.. ఎంత అగ్ర నిర్మాత అయినా సరే నటులు, సాంకేతిక నిపుణుల మాటను జవదాటే పరిస్థితి ఇప్పుడు వచ్చిందన్నారు. పాన్‌ ఇండియా మార్కెట్‌లో నిర్మాతలు నలిగిపోతున్నారు. డబ్బులు ఖర్చవుతున్నా అనుకున్న సమయానికి సినిమా పూర్తవ్వడం లేదు. విడుదల కావడం లేదు అని చెప్పారు దిల్‌ రాజు.