Operation Sindoor: ‘ఫైల్స్‌’ దర్శకుడి నుండి ‘ఆపరేషన్‌ సిందూర్‌’.. ఎవరి సినిమా ముందు?

మన దేశంపై ఎవరైనా దాడి చేయాలన్నా చూస్తే.. మన సంస్కృతి సంప్రదాయాలను హేళన చేయాలని చూస్తే, మన దేశ మహిళలను ఎవరైనా అవమానిస్తే, వారి ఆరోప్రాణాన్ని హరించాలని చూస్తే / హరిస్తే మనం ఎలా రియాక్ట్‌ అవుతాం అనేది తెలియాలి అంటే ఇటీవల జరిగిన ‘ఆపరేషన్‌ సిందూర్‌’ గురించి తెలుసుకోవాల్సిందే. శత్రు దేశం పాకిస్థాన్‌ వెళ్లి మరీ అక్కడ మన సైన్యం సత్తా ఏంటో చాటొచ్చారు. ‘పహల్గాం’ ఘటన నేపథ్యంలో జరిగిన ఈ ఆపరేషన్‌ సిందూర్‌ గురించి సినిమా తీయాలని చాలామంది ప్రయత్నిస్తున్నారు. అయితే ఎవరూ అధికారికంగా సినిమా సంగతి తర్వాత చెప్పలేదు.

Operation Sindoor

ప్రాథమిక సమాచారం ప్రకారం ‘ఆపరేషన్‌ సిందూర్‌’ నేపథ్యంలో సినిమా తెరకెక్కించాలని ఓ 15 మంది దర్శకులు అనుకున్నారు. ఇప్పుడు ఆ లిస్ట్‌లో ‘ఫైల్స్‌’ స్పెషలిస్ట్‌ వివేక్‌ అగ్నిహోత్రి కూడా చేరారు. ఇప్పటికే ‘ఆపరేషన్‌ సిందూర్‌’పేరుతో ఇప్పటికే ఓ సినిమా ఖరారు అయిన నేపథ్యంలో ఇది రెండో సినిమా అని చెప్పొచ్చు. అయితే ఈ సినిమాపై కూడా అధికారిక ప్రకటన రాలేదు. టీ సిరీస్‌ భూషణ్‌ కుమార్‌ ఈ సినిమాను నిర్మిస్తారని బాలీవుడ్‌ వర్గాల సమాచారం. త్వరలోనే ఈ ప్రాజెక్టు అధికారికంగా వెల్లడిస్తారని సమాచారం.

‘ది తాష్కెంట్‌ ఫైల్స్‌’, ‘ది కశ్మీర్‌ ఫైల్స్‌’, ‘ది బెంగాల్‌ ఫైల్స్‌’ అంటూ వాస్తవ సంఘటనల ఆధారంగా సినిమాలను తెరకెక్కించిన వివేక్‌ ఇప్పుడు ‘ఆపరేషన్‌ సిందూర్‌’ను ఎలా తెరకెక్కిస్తారు అనేది ఇంట్రెస్టింగ్‌గా మారింది. ఆయన సినిమాలు బాగా పవర్‌ఫుల్‌గా, స్ట్రాంగ్‌ వార్నింగ్ లాగా ఉంటాయని పైన చెప్పిన సినిమాలు చూసినవాళ్లకు తెలుసు. ఈ నేపథ్యంలో గతంలో అనౌన్స్‌ అయిన ‘ఆపరేషన్‌ సిందూర్‌’ సినిమా ఏమవుతుందో చూడాలి.

ఉత్తమ్‌ నితిన్‌ ఆ సినిమాను గతేడాది ఆయన అనౌన్స్‌ చేశారు. ఈ మేరకు పోస్టర్‌ను కూడా విడుదల చేశారు. మరోవైపు, ‘ఆపరేషన్‌ సిందూర్‌’ టైటిల్‌ కోసం ఆ సైనిక చర్యలు జరిగిన సమయంలో 15 నిర్మాణ సంస్థలు పోటీ పడిన విషయం తెలిసిందే. వాటిలో టీ సిరీస్‌ కూడా ఉంది. మరి ఆ టైటిల్‌ టీ సిరీస్‌కి వచ్చిందా లేదా అనేది చూడాలి.

టాక్సిక్ టీజర్ రివ్యూ.. ఈ రేంజ్ వయోలెన్సా?