ఎన్టీఆర్ హీరోగా వి.వి.వినాయక్ దర్శకత్వంలో తెరకెక్కిన సూపర్ హిట్ చిత్రం ‘ఆది’. 2002 మార్చ్ 28న ఈ మూవీ రిలీజ్ అయ్యింది. బెల్లంకొండ సురేష్ ఈ చిత్రాన్ని నిర్మించారు. ఎటువంటి అంచనాలు లేకుండా రిలీజ్ అయిన ఈ చిత్రం బ్లాక్ బస్టర్ హిట్ అయ్యింది. ఈ చిత్రం 108 కేంద్రాల్లో 50 రోజులు, 98 కేంద్రాల్లో 100 రోజులు ఆడి ఆ రోజుల్లో ఆల్ టైం రికార్డులు సృష్టించింది. నేటితో ఈ చిత్రం రిలీజ్ అయ్యి 21 ఏళ్ళు పూర్తి కావస్తోంది.
దీంతో సోషల్ మీడియాలో అభిమానులు సందడి చేస్తున్నారు. ఈ చిత్రాన్ని దిల్ రాజు డిస్ట్రిబ్యూట్ చేయడం జరిగింది. ఈ చిత్రం కనుక లేకపోతే మేము ఆఫీస్ మూసేసే వాళ్ళం అంటూ గతంలో షాకింగ్ కామెంట్లు చేశాడు. దిల్ రాజు మాట్లాడుతూ.. ‘మేము డిస్ట్రిబ్యూషన్ రంగంలో దూసుకుపోతున్న టైంలో అనుకోకుండా స్పీడ్ బ్రేకర్స్ లా వరుసగా ప్లాపులు వచ్చాయి. 2001 లో మాకు వరుసగా ప్లాపులు వచ్చాయి. 2002 లో కూడా ఎంతో కాన్ఫిడెంట్ గా ‘అమృత’ అనే సినిమాని డబ్ చేసి రిలీజ్ చేశాం.
మణిరత్నం గారి సినిమా అది.. కానీ అది కూడా డిజాస్టర్ అయ్యింది. ఇంకో రెండు సినిమాలు కనుక ఆడకుంటే ఆఫీస్ తీసేసే టైం అది. ఆ టైంలోనే మాకు ఎన్టీఆర్ ఇచ్చాడు ‘ఆది’. ఆ సినిమా మా జీవితాలనే మార్చేసింది. ఈరోజు నిర్మాతలుగా నిలబడ్డాము అంటే ఆ సినిమానే కారణం. ‘ఆది’ సినిమాలో దర్శకుడు వినాయక్ మాకు రెండు సీన్స్ చూపిస్తే అడ్వాన్స్ ఇచ్చి ‘దిల్’ అనే సినిమాని నిర్మించడానికి రెడీ అయ్యాం.
డిస్ట్రిబ్యూషన్లోనే కాదు.. నిర్మాతలుగా కూడా నిలబడడానికి ‘ఆది'(Aadhi) అనే సినిమా మాకు ఎంతో హెల్ప్ చేసింది. ఆ సినిమా నుండే నిర్మాతగా సినిమాలు చేయాలి అనే నమ్మకం బలపడింది’ అంటూ చెప్పుకొచ్చాడు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
