ఎన్టీఆర్ క్యారక్టర్ ని కొత్తగా డిజైన్ చేసిన బాబీ

యంగ్ టైగర్ ఎన్టీఆర్ కి కథ దొరికింది. మూడు నెలలపాటు సీనియర్, జూనియర్ డైరక్టర్స్, రైటర్స్ చెప్పిన కథలను విన్న ఎన్టీఆర్ చివరకు దర్శకుడు బాబీ చెప్పిన స్టోరీకి లాక్ అయ్యారు. ఆయనతోనే సినిమా చేసేందుకు సిద్ధమయ్యారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మించనున్న ఈ మూవీ ఈ నెల 10 వ తేదీన పూజా కార్యక్రమాలు జరుపుకోనున్నట్లు తెలిసింది. టెంపర్, నాన్నకు ప్రేమతో, జనతా గ్యారేజ్ వంటి హ్యాట్రిక్ హిట్ జోష్ లో ఉన్న ఎన్టీఆర్ ని బాబీ ఎలా మెప్పించారా? అని టాలీవుడ్ వర్గాలు ఆశ్చర్యపోయాయి. అంతగా కథలో ఆకర్షించిన అంశాలు ఏమిటని ఆరా తీస్తే ఒక విషయం బయటకు వచ్చింది.

అదే హీరో క్యారక్టరైజేషన్. ఇందులో హీరో కి రెండు షేడ్స్ ఉంటాయట. గతంలో బాబీ పవర్ మూవీలో రవితేజను రెండు కోణాల్లో చూపించారు. ఆ ఫార్ములా సూపర్ హిట్ అయింది. అదే విధంగా ఈ కథలోనూ ఆ ఫార్ములాతో మ్యాజిక్ చేయనున్నట్లు సమాచారం. కొంతకాలంగా డిఫరెంట్ కథలకు ఒకే చెబుతున్న ఎన్టీఆర్ ఈ సారి కూడా కొత్తగా డిజైన్ చేసిన క్యారక్టర్ చుట్టూ సాగే విభిన్న స్టోరీకి ఒకే చెప్పారు. సర్దార్ గబ్బర్ సింగ్ ద్వారా డ్యామేజ్ అయిన ఇమేజ్ ని ఎన్టీఆర్ మూవీ ద్వారా బాబీ తిరిగి సొంతం చేసుకుంటారని సినీ విశ్లేషకులు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.