ఈ ఏడాది ఇప్పటికే సుహాస్ (Suhas) హీరోగా రూపొందిన 5 సినిమాలు రిలీజ్ అయ్యాయి. ‘అంబాజీ మ్యారేజీ బ్యాండు’ (Ambajipeta Marriage Band) ‘ప్రసన్నవదనం’ (Prasanna Vadanam) ‘శ్రీరంగనీతులు’ (Sriranga Neethulu) ‘గొర్రె పురాణం’ (Gorre Puranam). త్వరలో ‘జనక అయితే గనక’ (Janaka Aithe Ganaka) రిలీజ్ కాబోతోంది. అయితే ఈ సినిమాల్లో సుహాస్ ప్రమేయం లేకుండా రిలీజ్ అయిన సినిమాగా ‘గొర్రె పురాణం’ గురించి చెప్పుకోవాలి. సెప్టెంబర్ 21 న ఈ సినిమా రిలీజ్ అయ్యింది. అయితే రిలీజ్ కి ముందు హీరో సుహాస్.. ఈ సినిమాని 1 పర్సెంట్ కూడా ప్రమోట్ చేసింది లేదు.
దానికి కారణం కూడా లేకపోలేదు. ‘గొర్రె పురాణం’ సినిమాలో సుహాస్ పాత్ర నిడివి చాలా తక్కువ. సినిమా స్టార్టింగ్లో కనిపిస్తాడు. మళ్ళీ ఇంటర్వెల్ కి ముందు వస్తాడు. అతని ఫ్లాష్ బ్యాక్ ఎపిసోడ్ ను సరిగ్గా డెవలప్ చేయలేదు. సినిమాలో ఇతని పాత్రే ఇన్-కంప్లీట్ గా అనిపిస్తుంది. అయితే ఓవరాల్ గా ఈ సినిమా కాన్సెప్ట్ బాగానే ఉంటుంది. మంచి పొలిటికల్ సెటైర్ ఉంటుంది. గొర్రెకి తరుణ్ భాస్కర్ (Tharun Bhascker) ఇచ్చిన వాయిస్ ఓవర్ ఆకట్టుకుంటుంది.
ఇలా చెప్పుకుంటే పోతే కొన్ని ఆకట్టుకునే ఎలిమెంట్స్ ఉన్నాయి. ప్రమోషన్ కనుక చేసి ఉంటే.. సినిమాకి మినిమమ్ ఆక్యుపెన్సీలు వచ్చి ఉండేవి. కానీ రిలీజ్ అయినట్టే చాలా మందికి తెలీదు. అయినప్పటికీ.. ‘గొర్రె పురాణం’ థియేట్రికల్ రిలీజ్ అవ్వడం వల్లే అనుకుంట.. దర్శకుడు బాబీకి (Bobby) రెండు పెద్ద నిర్మాణ సంస్థల నుండి ఆఫర్లు వచ్చాయి అని తెలుస్తుంది. ఇందులో ఓ మిడ్ రేంజ్ హీరోకి ఆల్రెడీ బాబీ (Bobby) ఓకే చెప్పినట్టు సమాచారం.
Home