ఐకాన్ స్టార్ అల్లు అర్జున్ కరోనా వైరస్ బారిన పడి హోం ఐసోలేషన్ లో ఉంటూ కరోనాకు చికిత్స చేయించుకుంటున్న సంగతి తెలిసిందే. ప్రస్తుతం అల్లు అర్జున్ పుష్ప సినిమాలో నటిస్తుండగా ఈ సినిమా తరువాత అల్లు అర్జున్ ఎవరి డైరెక్షన్ లో నటిస్తారో తెలియాల్సి ఉంది. బన్నీ తరువాత సినిమా కొరటాల శివ డైరెక్షన్ లో తెరకెక్కాల్సి ఉన్నా కొన్ని కారణాల వల్ల ఆ ప్రాజెక్ట్ వాయిదా పడిన సంగతి తెలిసిందే.
బన్నీ తరువాత సినిమా డైరెక్టర్ల జాబితాలో కొన్ని రోజుల క్రితం వరకు మురుగదాస్ పేరు వినిపించగా ప్రస్తుతం గౌతమ్ తిన్ననూరి పేరు వినిపిస్తూ ఉండటం గమనార్హం. కొన్ని రోజుల క్రితం గౌతమ్ బన్నీకి కథ చెప్పారని ఆ కథ బన్నీకి ఎంతగానో నచ్చిందని వార్తలు ప్రచారంలోకి వచ్చాయి. అయితే బన్నీ లేదా గౌతమ్ స్పందించి స్పష్టతనిస్తే మాత్రమే వైరల్ అయిన వార్తలో నిజానిజాలు తెలిసే అవకాశాలు ఉంటాయి. గౌతమ్ ఎమోషనల్ బ్యాక్ డ్రాప్ తో బన్నీతో సినిమాను తెరకెక్కించనున్నారని పాన్ ఇండియా మూవీగా ఈ సినిమా తెరకెక్కనుందని వైరల్ అవుతున్న వార్త సారాంశం.
ప్రస్తుతం గౌతమ్ తిన్ననూరి షాహిద్ కపూర్ తో జెర్సీ సినిమాను రీమేక్ చేస్తున్నారు. తెలుగులో క్లాసిక్ అనిపించుకున్న జెర్సీ సినిమా హిందీలో ఎలాంటి ఫలితాన్ని అందుకుంటుందో చూడాల్సి ఉంది. మరోవైపు బన్నీ పాన్ ఇండియా సినిమాలలోనే నటించాలని ఫిక్స్ అయినట్టు తెలుస్తోంది. బన్నీ గౌతమ్ కు ఛాన్స్ ఇస్తారో లేదో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home