తారక్ ని అవమానించిన తమిళ డైరక్టర్

మహానటుడు నందమూరి తారక రామారావు మనవడిగా సినీరంగంలోకి అడుగుపెట్టి టాలీవుడ్ రికార్డులు బద్దలు కొట్టిన యంగ్ టైగర్ ఎన్టీఆర్ దక్షిణాది సినీ ప్రముఖులకు బాగా పరిచయం. ఇరవై ఏళ్ళు నిండకుండానే కలక్షన్ల వర్షం కురిపించిన తారక్ ఇప్పటికే 26 సినిమాలను పూర్తి చేశారు.ఆయన సినిమాలు తమిళ, మలయాళ భాషల్లోనూ మంచి విజయాన్ని అందుకున్నాయి. అందుకే ఇతర భాష డైరక్టర్లు సైతం ఎన్టీఆర్ తో సినిమా చేయాలని కోరుకుంటుంటారు. అంతటి ఫాలో ఉన్న తారక్ ఎవరో తనకి తెలియదని తమిళ డైరక్టర్ హరి చెప్పి ఆశ్చర్యానికి గురిచేశారు.

ఈ డైరక్టర్ సూర్యతో సింగం 1 , 2 ,  తీసి హిట్ అందుకున్నారు. ఇప్పుడు సింగం 3 తో వస్తున్నారు. వచ్చే ఏడాది విడుదల కానున్న ఈ మూవీ ప్రమోషన్లో భాగంగా ఆయన ఓ ఇంటర్వ్యూ ఇచ్చారు. అందులో యాంకర్ “జూనియర్ ఎన్టీఆర్‌తో సినిమా చేస్తున్నారంటూ వార్తలొస్తున్నాయి. అందులో ఎంతవరకు నిజముంది?” అని అడగగా.. అందుకు ఆయన సమాధానమిస్తూ .. “అసలు జూనియర్ ఎన్టీఆర్‌ ఎవరో నాకు తెలియదు. అతన్ని నేను కలవలేదు” అని చెప్పారు. సినీపరిశ్రమలో ఉంటూ ఎన్టీఆర్ తెలియదని చెప్పడం అహంకారానికి నిదర్శనమని ఎన్టీఆర్ ఫ్యాన్స్ హరి పై విరుచుకు పడుతున్నారు. తమిళ పరిశ్రమకు చెందిన వారికీ తెలుగు వారిని అవమానించడం అలవాటు అయిపోయిందని ఆగ్రహం వ్యక్తం చేస్తున్నారు.

Also, do SUBSCRIBE to our YouTube channel to get latest Tollywood updates.