హరీష్ కు తలనొప్పిగా మరీన సిద్దార్థ్ పాత్ర

అప్పుడెప్పుడో వచ్చిన పవర్ స్టార్ పవన్ కళ్యాణ్ ‘గబ్బర్ సింగ్’ చిత్రంతో బ్లాక్ బస్టర్ కొట్టి టాప్ డైరెక్టర్స్ లో ఒకడిగా చేరిపోయాడు హరీష్ శంకర్. విచిత్రం ఏమిటంటే ‘గబ్బర్ సింగ్’ చిత్రం తరువాత హరీష్ కు ఒక్క హిట్టు కూడా లేకపోవడం. జూ.ఎన్టీఆర్ తో చేసిన ‘రామయ్య వస్తావయ్యా’ ఘోరమైన డిజాస్టర్ అయ్యింది. అటు తరువాత చేసిన ‘సుబ్రహ్మణ్యం ఫర్ సేల్’ ‘దువ్వాడ జగ్గన్నాథం – డీజే’ చిత్రాలు యావరేజ్ రిజల్ట్ ను మాత్రమే సాధించాయి.

అయితే తాజా సమాచారం ప్రకారం హరీష్ ‘జిగర్తాండ’ అనే ఒక తమిళ్ చిత్రాన్ని రీమేక్ చేసే పనిలో ఉన్నట్టు తెలుస్తోంది. ఇప్పటికే ఈ చిత్రంలో విలన్ రోల్ లో చేసేందుకు వరుణ్ తేజ్ ను ఒప్పించాడంట హరీష్ శంకర్. ఇక హీరోయిన్ గా రష్మిక ని సెలెక్ట్ చేసాడంట. అయితే ఈ చిత్రంలో ఇంకో హీరోకి కూడా అవకాశం ఉండటంతో… నాగ శౌర్య లేదా రాజ్ తరుణ్ ని ఎంచుకోబోతున్నట్టు ఫిలింనగర్ విశ్లేషకుల సమాచారం.