Karthik Dandu: ఘనంగా ‘విరూపాక్ష’ దర్శకుడి ఎంగేజ్మెంట్.. వైరల్ అవుతున్న ఫోటోలు!

కార్తీక్ వర్మ దండు (Karthik Varma Dandu) అందరికీ సుపరిచితమే. సుకుమార్ శిష్యులలో ఇతను కూడా ఒకడు. ‘కార్తికేయ’ వంటి బ్లాక్ బస్టర్ సినిమాలకి రైటర్ గా పనిచేశాడు. అటు తర్వాత 2015 లో వచ్చిన ‘భమ్ బోలేనాథ్’ తో దర్శకుడిగా మారాడు. ఆ సినిమాకి క్రిటిక్స్ నుండి అప్రిసియేషన్ లభించినప్పటికీ.. బాక్సాఫీస్ వద్ద దక్కాల్సిన గౌరవం మాత్రం దక్కలేదు. దీంతో నెక్స్ట్ సినిమా కోసం కార్తీక్ దాదాపు 8 ఏళ్ళు ఎదురు చూడాల్సి వచ్చింది.

Karthik Dandu

అలా 2023 లో సాయి దుర్గ తేజ్(సాయి ధరమ్ తేజ్) తో ‘విరూపాక్ష’ సినిమా చేసే అవకాశం దక్కించుకున్నాడు. ఆ ఏడాది సమ్మర్ కి రిలీజ్ అయిన ఆ సినిమా సూపర్ సక్సెస్ అందుకుంది. బాక్సాఫీస్ వద్ద రూ.100 కోట్లకు పైగా వసూళ్లను సాధించింది. సుకుమార్ ఈ చిత్రానికి స్క్రీన్ ప్లే రైటర్ గా పనిచేశాడు. అలాగే ఓ నిర్మాతగా కూడా వ్యవహరించాడు.

ఇక కార్తీక్ (Karthik Dandu) ప్రస్తుతం నాగ చైతన్యతో ఓ అడ్వెంచరస్ డ్రామా చేస్తున్నాడు. ఈ సినిమాపై ట్రేడ్లో భారీ అంచనాలు ఏర్పడ్డాయి. మీనాక్షి చౌదరి ఇందులో హీరోయిన్ గా నటిస్తుంది. ఇదిలా ఉండగా.. కార్తీక్ వర్మ దండు త్వరలో పెళ్లి చేసుకుని ఓ ఇంటివాడు కాబోతున్నాడు. తన ప్రేయసి హర్షితతో కార్తీక్ ఎంగేజ్మెంట్ ఘనంగా జరిగింది.

దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి. నూతన దంపతులకి నెటిజన్లు ‘ఆల్ ది బెస్ట్’ ‘కంగ్రాట్స్’ అంటూ తమ బెస్ట్ విషెస్ ను తెలియజేస్తున్నారు.

ఘనంగా అఖిల్‌ – జైనబ్‌ రిసెప్షన్‌.. ఎవరెవరు వచ్చారో చూశారా?