Lokesh Kanakaraj: చరణ్‌తో సినిమా ఉంటుంది కానీ..!

దర్శకుడు లోకేష్ కనగరాజ్ వరుస హిట్టు సినిమాలతో దూసుకుపోతున్నారు. కమల్ హాసన్ కి ‘విక్రమ్’ లాంటి భారీ విజయాన్ని అందించిన ఆయన.. కోలీవుడ్ మార్కెట్ రేంజ్ ఏంటో నిరూపించారు. దీంతో లోకేష్ తో సినిమాలు చేయడానికి స్టార్ అందరూ ఆసక్తి చూపిస్తున్నారు. ఈ క్రమంలో మెగా పవర్ స్టార్ రామ్ చరణ్, లోకేష్ కనగరాజ్ కాంబినేషన్ లో సినిమా రాబోతుందంటూ సోషల్ మీడియాలో ప్రచారం జరిగింది. విక్రమ్ 2 సినిమాలో కమల్ హాసన్ మనవడిగా రామ్ చరణ్ కనిపించబోతున్నారంటూ

కొన్నాళ్ల ముందు మీడియాలో వార్తలొచ్చాయి. దీంతో రీసెంట్ గా ఓ ఇంటర్వ్యూలో రామ్ చరణ్ తో సినిమా గురించి లోకేష్ ని ప్రశ్నించారు. దీనికి ఆయన.. ప్రస్తుతం రామ్ చరణ్ రెండు, మూడు సినిమాలు కమిట్ అయి ఉన్నారని.. తన చేతిలో కూడా కొన్ని ప్రాజెక్ట్స్ ఉన్నాయని చెప్పారు. ఇద్దరి సినిమాలు పూర్తయిన తరువాత కలిసి సినిమా చేసే ఛాన్స్ ఉందని చెప్పారు. ప్రస్తుతం రామ్ చరణ్.. శంకర్ దర్శకత్వంలో ఓ సినిమాను పూర్తి చేయబోతున్నారు.

దీని తరువాత బుచ్చిబాబు దర్శకత్వంలో మరో సినిమా చేయబోతున్నారు. ఆ తరువాత లోకేష్ సినిమా ఉంటే ఉంటుంది. ఈ కాంబో సెట్ అయితే మాత్రం హైప్ మాములుగా రాదు. మరోపక్క లోకేష్ కనగరాజ్ ఇప్పుడు దళపతి విజయ్ హీరోగా ‘లియో’ అనే సినిమా చేస్తున్నారు. రీసెంట్ గానే ఈసినిమా టైటిల్ అనౌన్స్ చేస్తూ.. ఒక వీడియోను వదిలారు. ఇది సోషల్ మీడియాలో బాగా వైరల్ అయింది. లోకేష్ సినిమాటిక్ యూనివర్స్ లో ఇదొక భాగమని అంటున్నారు.

ఈ సినిమా తరువాత కార్తీతో ‘ఖైది2’ సినిమా చేయాల్సివుంది. ఆ తరువాత ‘విక్రమ్2’ సినిమా ఉండే ఛాన్స్ ఉంది. మరి ఇందులో రామ్ చరణ్ నటిస్తారా..? లేదా..? అనేది చూడాలి. ఒకవేళ చరణ్, లోకేష్ కలిసి సినిమా చేస్తే అది కొత్త కథా.? లేక విక్రమ్ కి సీక్వెలా అనే దానిపై త్వరలోనే క్లారిటీ రానుంది.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!