అనసూయ పాత్ర పై క్లారిటీ ఇచ్చిన మారుతీ..!

ఈ మధ్యకాలంలో మీడియం రేంజ్ హీరోలకు పెద్ద దర్శకుడిగా మారిపోయిన మారుతీ తన తదుపరి చిత్రాన్ని యాక్షన్ హీరో గోపీచంద్ తో చెయ్యబోతున్న సంగతి తెలిసిందే. ‘పక్కా కమర్షియల్’ పేరుతో ఈ చిత్రం తెరకెక్కబోతుంది.ఈ చిత్రంలో లాయర్ పాత్రలో కనిపించబోతున్నాడు గోపిచంద్. రాశీ ఖన్నా, ఈషా రెబ్బా.. లను హీరోయిన్లుగా అనుకుంటున్నారు. కానీ దర్శకనిర్మాతలు ఇంకా అధికారికంగా ప్రకటించలేదు. ఇదిలా ఉండగా.. ఈ చిత్రంలో జబర్దస్త్ హాట్ యాంకర్ అనసూయ కూడా కీలక పాత్ర పోషిస్తున్నట్టు వార్తలు వస్తున్నాయి.

అయితే ఈ సినిమాలో ఆమె వేశ్య పాత్రలో కనిపించబోతున్నట్టు సోషల్ మీడియాలో డిస్కషన్లు నడుస్తున్నాయి. అలాంటి పాత్రను ఈ క్రేజీ బ్యూటీ ఎలా యాక్సెప్ట్ చేసిందనే కామెంట్లు కూడా వినిపిస్తున్నాయి. తాజాగా ఈ విషయాల పై ‘పక్కా కమర్షియల్’ దర్శకుడు మారుతీ క్లారిటీ ఇచ్చాడు. ‘మా సినిమాలో అనసూయ నటిస్తున్న మాట నిజమే కానీ.. ఆమె పాత్ర పై వస్తోన్న వార్తలు అన్నీ అవాస్తవం. నా సినిమాలో అలాంటి పాత్రే లేదు’ అంటూ చెప్పుకొచ్చాడు.

మారుతీ కామెంట్స్ తో ఈ వార్తలకు ఫుల్ స్టాప్ పడినట్టే..! ఇక ఈ చిత్రాన్ని వచ్చే నెలలో ప్రారంభించి.. అక్టోబర్ 1న విడుదల చెయ్యాలని దర్శకనిర్మాతలు ప్లాన్ చేస్తున్నారు. ‘యూవీ క్రియేషన్స్’ ‘జిఏ2 పిక్చర్స్’ బ్యానర్లు కలిసి నిర్మిస్తున్న ఈ చిత్రానికి ‘గీత ఆర్ట్స్’ అధినేత అల్లు అరవింద్ సమర్పకుడిగా వ్యవహరిస్తున్నారు.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?