‘జైలర్’ సినిమా… బ్లాక్ బస్టర్ అయిపోయింది, అందులో రజనీ లుక్ చూసి అందరూ వావ్ అనుకున్నారు కాబట్టి సరిపోయింది కానీ… ఆ సినిమా ఫలితం తేడా కొట్టినా, అందులో లుక్ విషయంలో అభిమానులు హర్ట్ అయినా పరిస్థితి వేరే విధంగా ఉండేది. ఈ మాట అన్నది మేం కాదు, ఆ సినిమా దర్శకుడు నెల్సన్ దిలీప్ కుమారే. అవును.. ఈ సినిమాలో రజనీకాంత్ వైట్ కలర్ హెయిర్ లుక్లో చూపించడానికి ఆయన తొలుత కాస్త తటపటాయించారట. ఆ తర్వాత ధైర్యంగా ఓ అడుగు ముందుకేశారట.
‘జైలర్’ సినిమాలో రజనీకాంత్ టైగర్ ముత్తువేల్ పాండ్యన్గా నటించి మెప్పించారు. మొత్తంగా సినిమా రూ. 600 కోట్లకుపైగా వసూలు చేసింది. అయితే ఈ సినిమా షూటింగ్ ప్రారంభించగానే కొంతమంది అభిమానులు, ప్రముఖుల నుండి దర్శకుడు నెల్సన్ దిలీప్ కుమార్కు మెసేజ్లు వచ్చాయట. రజనీతో ఎలాంటి ప్రయోగాలైనా చేయండి కానీ, ఆయన జుట్టును తెల్లగా చూపించొద్దు. ఎప్పట్లానే మామూలుగానే చూపించండి అని ఆ మెసేజ్ల సారాంశమట.
ఆ మెసేజ్లు చూశాక పెద్ద సవాలు ఎదురైందనుకున్నారట (Nelson Dilipkumar) నెల్సా. ఎందుకంటే తను రాసుకున్న కథలో రజనీని పెద్ద వయసులో చూపించాలి. దీంతో ఆ వయసు వ్యక్తిగా చూపించాలంటే దర్శకుడికి భయం వేసిందట. ఇలా చేసి ప్రేక్షకులను మెప్పించగలనా అనే డౌట్ వచ్చిందట. అయితే విమర్శలు వస్తే రానీ చూద్దాం అనుకుని ‘జైలర్’ సినిమా తీశారట. అక్కడికి కొన్ని రోజులకు షూటింగ్ ఊపందుకున్నాక తనపై తనకు నమ్మకం వచ్చిందట. ఇక ఇప్పుడు ఈ సినిమాకు సీక్వెల్ కూడా ఉంటుంది అని అంటున్నారు.
మరోవైపు రజనీ ప్రస్తుతం టీజే జ్ఞానవేల్ దర్శకత్వంలో రజనీకాంత్ ఓ సినిమాలో నటిస్తున్నారు. ఆ షూటింగ్ కన్యాకుమారిలో జరుగుతోంది. యథార్థ సంఘటనల ఆధారంగా రాసుకున్న ఆ కథలో బూటకపు ఎన్కౌంటర్ల ప్రస్తావన ఉంటుంది అని చెబుతున్నారు. ఈ సినిమా పేరు, టీజర్ను డిసెంబరు 12న రజనీ పుట్టిన రోజు సందర్భంగా విడుదల చేస్తారని ఓ టాక్.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
