నాగచైతన్య – పరశురామ్‌.. ఈ కాంబో గురించి చాలా రోజులుగా వింటూనే ఉన్నాం. ఇదిగో కుదిరింది, అదిగో కుదిరింది అంటూ చాలాసార్లు వార్తలొచ్చాయి. అయితే ఈసారి మళ్లీ అదే కాంబినేషన్‌ పుకార్లు వినిపిస్తున్నాయి. ప్రస్తుతం పరిస్థితులు చూస్తుంటే కచ్చితంగా ఆ సినిమా ఓకే అయ్యేలా కనిపిస్తోంది. అంతేకాదు షూటింగ్‌ కూడా త్వరలోనే మొదలవుతుందని చెబుతున్నారు. నాగచైతన్య – పరశురాం సినిమా అంటూ ‘సర్కారు వారి పాట’ మొదలవ్వడానికి ముందు వివరాలు వచ్చాయి.
అయితే ఏమైందో ఏమో పరశురాం ‘సర్కారు వారి పాట’ సినిమా పనుల్లో పడ్డాడు. ఈలోగా కరోనా పరిస్థితులు, లాక్‌డౌన్‌లతో ఆ సినిమా ఆలస్యమవుతూ వచ్చింది. దీంతో ఈ సినిమా వెంటనే నాగచైతన్య సినిమా అనుకున్నా వర్కౌట్‌ కాలేదు. అయితే ఇప్పుడు పరశురామ్‌ రెడీ అయిపోతున్నారట. ‘సర్కారు వారి పాట’ సినిమాను మే 12న విడుదల చేయబోతున్నారు. ఈ క్రమంలో మే 2న ట్రైలర్‌ను కూడా లాంచ్‌ చేస్తున్నారు. అంటే మరో నాలుగు రోజుల్లో ట్రైలర్‌, మరో రెండు వారాల్లో సినిమా వచ్చేస్తుంది.
దీంతో మే 12 తర్వాత పరశురామ్‌ ఫ్రీ అయిపోయాతారు. లేదంటే సినిమా ప్రచారం కోసం ఓ వారం ఆగితే.. మే మూడో వారానికి సిద్ధమైపోతారు. ఆ వెంటనే నాగచైతన్య సినిమా పని మొదలుపెడతారు అంటున్నారు. ఈ సినిమాను ముందు అనుకున్నట్లుగా 14 రీల్స్‌ ప్లస్‌ బ్యానర్‌ పైనే తెరకెక్కుతుందట. ‘సర్కారు వారి పాట’ విడుదల కాకముందే నాగచైతన్య సినిమాకు సంబంధించి బేసిక్‌ వివరాలు అనౌన్స్‌ చేస్తారని తెలుస్తోంది.
‘సర్కారు వారి పాట’ కోసం ఇప్పటికే చాలా రోజులు వెచ్చించిన పరశురాం.. ఎక్కువ గ్యాప్‌ తీసుకోవద్దని అనుకుంటున్నారట. అందుకే వీలైనంత వేగంగా స్టార్ట్‌ చేస్తారట. ఇక నాగచైతన్య సంగతి చూస్తే… విక్రమ్‌ కె.కుమార్ దర్శకత్వంలో రూపొందిన ‘థ్యాంక్‌యూ’ విడుదలకు సిద్ధంగా ఉంది. అయితే విడుదల సంగతి తెలియదు. ఆమిర్‌ ఖాన్‌తో చేసిన ‘లాల్‌ సింగ్‌ చద్దా’ త్వరలో వచ్చేస్తుంది. ఇక ‘దూత్‌’ అనే వెబ్‌ సిరీస్‌లో నటిస్తున్నాడు నాగచైతన్య. దీనికి కూడా విక్రమ్‌ కె.కుమార్ దర్శకుడు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
