Puri Jagannath Vs Harish Shankar: పూరి జగన్నాథ్- హరీష్ శంకర్.. గెలుపెవరిది!

హరీష్ శంకర్ (Harish Shankar) .. పూరి జగన్నాథ్  (Puri Jagannadh)  శిష్యుడు. చాలా మందికి తెలిసిన విషయమే. మళ్ళీ వీరిద్దరూ రాంగోపాల్ వర్మ (Ram Gopal Varma) శిష్యులు. అది కూడా చాలా మందికి తెలుసు. పూరి జగన్నాథ్ తెరకెక్కించిన ‘బుజ్జిగాడు’ (Bujjigadu) ‘నేనింతే’ (Neninthe) వంటి సినిమాలకి హరీష్ శంకర్ పనిచేశాడు. హీరో క్యారెక్టరైజేషన్ తో మాస్ సినిమాలు తీయడం పూరికి బాగా తెలుసు. మాస్ సినిమాలని ఫ్యామిలీ ఆడియన్స్ కూడా మెచ్చే విధంగా తీయడం హరీష్ శంకర్ కి బాగా తెలుసు. డైలాగ్స్ అయితే ఇద్దరి సినిమాల్లోనూ అదిరిపోతాయి.

ఇద్దరికీ మంచి మ్యూజిక్ టేస్ట్ కూడా ఉంది. అన్నిటికీ మించి యూత్ లో వీరిద్దరి సినిమాలకి మంచి క్రేజ్ ఉంటుంది. అలాంటి స్ట్రెంత్ ఉన్న ఈ స్టార్ డైరెక్టర్ల సినిమాలు ఒకేరోజు రిలీజ్ కాబోతున్నాయి. అవే ‘డబుల్ ఇస్మార్ట్’  (Double Ismart)  ‘మిస్టర్ బచ్చన్’  (Mr. Bachchan) . ఆగస్టు 15 నే ఈ రెండు సినిమాలు రిలీజ్ కాబోతున్నాయి. హరీష్ శంకర్ మంచి ఫామ్లో ఉన్నాడు కాబట్టి ‘మిస్టర్ బచ్చన్’ పై మంచి అంచనాలు ఉన్నాయి. ‘ఇస్మార్ట్ శంకర్’ (iSmart Shankar) హిట్ అయ్యింది కాబట్టి ‘డబుల్ ఇస్మార్ట్’ పై కూడా భారీ అంచనాలు ఏర్పడ్డాయి.

రెండు సినిమాలకి పాజిటివ్ టాక్ వస్తే.. రెండు బాగా ఆడతాయి. కానీ ఏది ఎక్కువ కలెక్ట్ చేస్తుంది? అనేది అంచనా వేయలేం. అయితే ‘మిస్టర్ బచ్చన్’ తో పోలిస్తే ‘డబుల్ ఇస్మార్ట్’ కి బిజినెస్ ఎక్కువ జరిగింది. అందువల్ల ‘మిస్టర్ బచ్చన్’ పోటీగా రిలీజ్ అవ్వడం వల్ల ఆ సినిమా కలెక్షన్స్ పై ప్రభావం చూపే అవకాశం ఉంది. అయితే ఫైనల్ గా ఈ గురు శిష్యుల్లో ఎవరు విజయం సాధిస్తారు అనేది ఆసక్తికరంగా మారింది.