‘రాక్షసుడు’ సినిమాతో దర్శకుడిగా మంచి సక్సెస్ అందుకున్నాడు రమేష్ వర్మ. ప్రస్తుతం రవితేజ హీరోగా ‘ఖిలాడి’ అనే సినిమాను రూపొందిస్తున్నాడు. అయితే ఇది తన డ్రీమ్ ప్రాజెక్ట్ కాదని.. తను చేయాలనుకున్న సినిమా వేరే ఉందని చెప్పుకొచ్చాడు. ‘రాక్షసుడు’ సినిమా తరువాత ఓ మంచి లవ్ స్టోరీ తీయాలనుకున్నాడట రమేష్ వర్మ. ఒక హీరో, ఇద్దరు హీరోయిన్ల మధ్య నడిచే కథట. దీని గురించి హీరో నితిన్ తో చర్చించినట్లు చెప్పారు.
కానీ ఆ ప్రాజెక్ట్ పట్టాలెక్కలేదని.. అలా తన డ్రీమ్ ప్రాజెక్ట్ ఇప్పటివరకు తీయలేకపోయానని చెప్పుకొచ్చారు. ఇదిలా ఉండగా.. ‘ఖిలాడి’ సినిమా రీమేక్ అంటూ వస్తోన్న వార్తలపై కూడా స్పందించాడు ఈ డైరెక్టర్. నిజానికి ఇది రీమేక్ కాదని.. కానీ ఓ తమిళ సినిమాకు దగ్గర ఉంటుందని చెప్పాడు. ముఖ్యంగా ఆ తమిళ సినిమా ఇంటర్వెల్ కు. ‘ఖిలాడీ’ ఇంటర్వెల్ బ్యాంగ్ కు దగ్గర పోలిక ఉంటుందని చెప్పాడు. దీనికి సంబంధించి ఆ తమిళ సినిమా నిర్మాతతో మాట్లాడానని..
అది తప్పితే మిగిలిన స్టోరీ అంతా ఫ్రెష్ గా ఉంటుందని చెప్పాడు. తమిళ సినిమాకి ‘ఖిలాడి’కు పోలికలు ఉంటాయని చెబుతూనే రీమేక్ మాత్రం కాదని అంటున్నాడు ఈ దర్శకుడు. ప్రస్తుతం నలభై శాతం షూటింగ్ పూర్తి చేసుకున్న ఈ సినిమా లాక్ డౌన్ తరువాత కొత్త షెడ్యూల్ ను మొదలుపెట్టనున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
