పవర్ స్టార్ పవన్ కళ్యాణ్ సాగర్ కె చంద్ర కాంబినేషన్ లో తెరకెక్కిన భీమ్లా నాయక్ సినిమా అంచనాలను మించి విజయం సాధించిందనే సంగతి తెలిసిందే. ఈ సినిమాకు ముందు సాగర్ కె చంద్ర దర్శకత్వం వహించిన అయ్యారే, అప్పట్లో ఒకడుండేవాడు సినిమాలు కూడా ప్రేక్షకులను ఎంతగానో ఆకట్టుకున్నాయి. అయితే భీమ్లా నాయక్ సినిమా షూట్ సమయంలో త్రివిక్రమ్ ఈ సినిమాకు దర్శకుడు అని పలు వార్తలు ప్రచారంలోకి వచ్చాయి.
ఈ వార్తల వల్లే చాలామంది హీరోలు సాగర్ కె చంద్రకు ఛాన్స్ ఇవ్వడానికి ఆసక్తి చూపలేదు. అయితే మిడిల్ రేంజ్ హీరోలలో ఒకరైన నితిన్ సాగర్ కె చంద్రకు గ్రీన్ సిగ్నల్ ఇచ్చారని ఇండస్ట్రీ వర్గాల్లో జోరుగా వినిపిస్తోంది. సాగర్ కె చంద్ర చెప్పిన కథ నచ్చడంతో నితిన్ ఈ ప్రాజెక్ట్ కు గ్రీన్ సిగ్నల్ ఇచ్చాడని ఇండస్ట్రీ వర్గాల్లో ప్రచారం జరుగుతోంది. ఈ సినిమాతో సక్సెస్ సాధిస్తే స్టార్ హీరోలు సైతం సాగర్ కె చంద్రను నమ్మే అవకాశం అయితే ఉంటుంది.
సాగర్ కె చంద్ర నితిన్ కు రెండు కథలు చెప్పగా ఆ కథలలో ఒక కథకు నితిన్ ఓకే చెప్పారని సమాచారం అందుతోంది. సాహో గారపాటి నిర్మాతగా ఈ సినిమా తెరకెక్కనుందని ఇండస్ట్రీ వర్గాల్లో జోరుగా వినిపిస్తోంది. ఈ మధ్య కాలంలో నితిన్ నటించిన సినిమాలేవీ బాక్సాఫీస్ వద్ద ఆశించిన స్థాయిలో సక్సెస్ ను సొంతం చేసుకోలేదు. నితిన్ ఒకవైపు వక్కంతం వంశీ డైరెక్షన్ లో ఒక సినిమాలో నటిస్తూనే మరోవైపు సాగర్ కె చంద్ర డైరెక్షన్ లో నటిస్తున్నారు.
ఈ రెండు సినిమాలలో ఒక సినిమా సక్సెస్ సాధించినా నితిన్ కెరీర్ పుంజుకునే ఛాన్స్ అయితే ఉంటుంది. నితిన్ సినిమాతో ప్రూవ్ చేసుకుంటే కెరీర్ సెటిల్ అవుతుందని సాగర్ కె చంద్ర భావిస్తున్నారు. నితిన్ సినిమాకు సాగర్ కె చంద్ర పరిమితంగానే రెమ్యునరేషన్ తీసుకుంటున్నారని సమాచారం అందుతోంది. సాగర్ కె చంద్ర కెరీర్ విషయంలో ఆచితూచి అడుగులు వేస్తున్నారని తెలుస్తోంది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
