Indian2: షాకిస్తున్న శంకర్ కౌంటర్ పిటిషన్!

చాలా కాలంగా ‘ఇండియన్ 2’ వివాదం వార్తల్లో నిలుస్తోంది. దర్శకుడు శంకర్, లైకా ప్రొడక్షన్స్ నిర్మాతల మధ్య ఎప్పటికప్పుడు మాటల యుద్ధం జరుగుతూనే ఉంది. తమిళనాడు ఎన్నికల ప్రక్రియ ముగిసి ఇప్పుడిప్పుడే కాస్త ఫ్రీ అయిన కమల్ హాసన్ ఇప్పుడు ఈ వివాదంపై దృష్టి పెట్టారు. తనదైన శైలిలో ఈ సమస్యను పరిష్కరించాలని అనుకుంటున్నారు. ఇంతకు దర్శకుడు శంకర్ చేసిన ఓ పని వివాదాన్ని మరింత పెంచింది. ‘ఇండియన్ 2’ సినిమా ఆలస్యం కావడానికి నిర్మాతలతో పాటు కమల్ హాసన్ కూడా ఓ కారణం అంటూ తాజాగా ప్రకటించి మరో సంచలనానికి తెరతీశాడు శంకర్.

ఇటీవల లైకా ప్రొడక్షన్స్ సంస్థ.. శంకర్ పై కేసు పెట్టిన సంగతి తెలిసిందే. ‘ఇండియన్ 2’ పూర్తయ్యే వరకు శంకర్ మరో సినిమా చేయకుండా ఆదేశాలు జారీ చేయాలని కోర్టుని కోరింది లైకా ప్రొడక్షన్స్. దీనిపై తాజాగా వివరణ ఇచ్చారు శంకర్. ఆ వివరణలో సినిమా ఆలస్యం కావడానికి కమల్ కూడా ఓ కారణమని శంకర్ ఆరోపించడం హాట్ టాపిక్ గా మారింది. యూనిట్ లో జరిగిన క్రేన్ యాక్సిడెంట్ తరువాత మరోసారి షూటింగ్ మొదలుపెట్టాలని అనుకున్నారట. అయితే అప్పుడు కమల్ హాసన్.. మేకప్ ఇరిటేషన్ తో ఇబ్బంది పడ్డారట. దీంతో కొన్నాళ్లు షూటింగ్ ఆపేద్దామని కమల్ అన్నారని..

ఆ తరువాత కరోనా విజృభించడంతో ఇండియన్ 2 సినిమా ఆగిపోయిందని శంకర్ తన వివరణలో చెప్పుకొచ్చారు. ప్రాజెక్ట్ ఆలస్యం కావడానికి తను ఎంతమాత్రం కారణం కాదని.. లైకా ప్రొడక్షన్స్, కమల్ వలనే సినిమా ఆలస్యమైందంటూ కౌంటర్ పిటిషన్ లో పేర్కొన్నారు. దీంతో ఇప్పుడు వివాదం మరింత ముదిరేలా ఉంది. ఇష్యూ సెటిల్ చేద్దామని ఇప్పుడు కమల్ ఇన్వాల్వ్ అయితే.. ఏకంగా అతడి కారణంగానే సినిమా ఆలస్యమవుతుందంటూ శంకర్ చెప్పడం ఇప్పుడు వివాదాస్పదంగా మారింది. మరి ఈ గొడవ ఎప్పటికి సెటిల్ అవుతుందో చూడాలి!

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!