టాలీవుడ్ స్టార్ డైరెక్టర్ వి.వి.వినాయక్.. అందరి డైరెక్టర్లతో ఎంతో సన్నిహితంగా ఉంటారు అన్న సంగతి ప్రత్యేకించి చెప్పనవసరం లేదు. అతనికి రాజమౌళి, పూరి జగన్నాథ్, శ్రీను వైట్ల వంటి వారు మంచి స్నేహితులు. నిజానికి శ్రీను వైట్లతో కలిసి వినాయక్ ఎన్నో సినిమాలకి అసిస్టెంట్ డైరెక్టర్ గా పనిచేసారు. అందులో వెంకటేష్, మీనా జంటగా నటించిన ‘అబ్బాయిగారు’ మూవీ కూడా ఒకటి. ఈరోజుతో ఆ మూవీ రిలీజ్ అయ్యి 28 ఏళ్ళు పూర్తి కావస్తోంది. ఇ.వి.వి.సత్యనారాయణ దర్శకత్వంలో తెరకెక్కిన ఈ చిత్రాన్ని ‘రాశి మూవీస్’ బ్యానర్ పై ఎం.నరసింహరావు నిర్మించారు.
తమిళంలో భాగ్యరాజ్ హీరోగా రూపొందిన ‘ఎంగ చిన్న రాస’ అనే చిత్రానికి ఇది రీమేక్. ఒకప్పటి సూపర్ హిట్ డైరెక్టర్ జంధ్యాల గారు ఈ చిత్రానికి మాటలు అందించడం మరో విశేషంగా చెప్పుకోవాలి. ఇదిలా ఉండగా.. ఈ చిత్రం సెట్స్ లో జరిగిన ఓ ఫన్నీ ఇన్సిడెంట్ ను శ్రీనువైట్ల ఓ సందర్భంలో షేర్ చేసుకున్నారు. అదేంటి అంటే.. ‘అబ్బాయి గారు’ సెట్లో దర్శకులు ఇవివి సత్యనారాయణ గారు షూటింగ్ స్పాట్ కు రావడం ఆలస్యం అయ్యిందట. ఆయన వచ్చి షాట్ కు రెడీ అయ్యేప్పుడు వినాయక్ క్లాప్ కొట్టాల్సి ఉందట.
కానీ వినాయక్ గారు ఇవివి గారు ఎంతటికీ రావడం లేదని సిగరెట్ కాల్చుకోడానికి శ్రీను వైట్లకి చెప్పి పక్కకి వెళ్ళారట. ఈ గ్యాప్ లో ఇవివి గారు వచ్చేసారు. దాంతో శ్రీను వైట్లకి టెన్షన్ మొదలైంది. ఎంతసేపటికీ వినాయక్ రాకపోవడంతో శ్రీనువైట్ల మరింత టెన్షన్ కు గురయ్యి వినాయక్ గారిని తిట్టుకున్నారట. మరోపక్క ఇవివి షాట్ కు రెడీ అవుతుంటే.. అప్పుడు తాపీగా నడుచుకుంటూ వస్తున్న వినాయక్.. ఆయన్ని చూసి పెరిగెట్టుకుంటూ అక్కడికి చేరుకున్నారట. వినాయక్ వల్ల ఆ రోజు పడ్డ టెన్షన్ ఎప్పటికీ మర్చిపోలేనిది అని శ్రీనువైట్ల చెప్పుకొచ్చారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
