టాలీవుడ్ టాప్ డైరెక్టర్స్ లో ఒకడైన సుకుమార్ చాలా టాలెంటెడ్ అనడంలో ఏమాత్రం సందేహం లేదు. ఇప్పటివరకూ సుకుమార్ చేసిన సినిమాలు హిట్స్, ఫ్లాప్స్ మాట పక్కన పెడితే సరికొత్త కధలతో, స్క్రీన్ ప్లే తో ఎప్పటికప్పుడు మన దర్శకుడు మనల్ని ఆకట్టుకుంటూనే ఉన్నాడు. ఇదిలా ఉంటే తాజాగా యంగ్ టైగర్ తో “నాన్నకు ప్రేమతో” సినిమా తీసి భారీ హిట్ ను అందుకున్న సుకుమార్..అయితే తరువాత చిత్రం ఏ హీరోతో చేస్తున్నాడో ఇంకా తెలియడంలేదు. ఇదిలా ఉంటే సుకుమార్ దర్శకుడిగానే కాదు, నిర్మాతగా సైతం “కుమారి 21ఎఫ్” తో ప్రేక్షకులను ఆకట్టుకున్నాడు.
ఆ సినిమాకు తానే కధ, స్క్రీన్ ప్లే అందించడమే కాకుండా…ఇక తన శిష్యుడు సూర్యప్రతాప్ పల్నాటి దర్శకత్వంలో మూవీని నిర్మించాడు. అయితే ఆ సినిమా భారీ హిట్ అవడంతో మంచి లాభాలను అందుకున్నాడు. ఇదిలా ఉంటే తాజాగా సుకుమార్ మరో కధ సిద్దం చేశాడు. ఆ కధతో సినిమాను తెరకెక్కించాలని ఆలోచనతో శిష్యుడు సూర్య ప్రతాప్ ను కోరగా, ఆయన హ్యాండ్ ఇచ్చాడని టాలీవుడ్ టాక్. కుమారి సినిమా హిట్ తరువాత సూర్య ప్రతాప్ కొంత మంది హీరోల వద్ద నుండి సైతం డైరెక్షన్ ఆఫర్ ని అందుకోవడంతో బిజీ అయిపోయాడు. అంతేకాకుండా…ప్రస్తుతం సూర్య ప్రతాప్ చేతిలో ఓ యంగ్ హీరోకి సంబంధించిన సినిమా ఉంది. అందుకే సుకుమార్ రెండో కథని తను డైరెక్ట్ చేయలేనని చెప్పడంతో చేసేది ఏమీ లేక…సుకుమార్ తొలి ప్రేమ కరుణాకరన్ దగ్గర ‘డార్లింగ్ సినిమాకు అసిస్టెంట్ డైరెక్టర్‌గా పని చేసిన చంద్రమోహన్ కు అవకాశం ఇచ్చేందుకు రెడీ అయ్యాడు. ఏది ఏమైనా…నమ్మి అవకాశం ఇచ్చిన సుకుమార్ కు శిష్యుడు బాగానే హ్యాండ్ ఇచ్చాడు అంటూ టాలీవుడ్ లో టాక్స్ వినిపిస్తున్నాయి.
Home
