టాలీవుడ్ స్టార్ డైరెక్టర్లలో ఒకరైన తేజ కెరీర్ తొలినాళ్లలో వరుస విజయాలను సొంతం చేసుకుని తన పేరును బ్రాండ్ గా మార్చుకున్నారు. చిత్రం, జయం, నువ్వు నేను సినిమాలకు ప్రేక్షకులు ఫిదా అయ్యారు. ఆయన డైరెక్షన్ లో తెరకెక్కిన అహింస సినిమా జూన్ నెల 2వ తేదీన థియేటర్లలో విడుదల కానుంది. ఈ సినిమా ట్రైలర్ కు ప్రేక్షకుల నుంచి మంచి రెస్పాన్స్ వచ్చిందనే సంగతి తెలిసిందే. ఈ సినిమా ప్రమోషన్స్ లో భాగంగా తేజ మాట్లాడుతూ నటి షకీలా గురించి ఆసక్తికర వ్యాఖ్యలు చేశారు.
ఆర్పీ పట్నాయక్, మరో వ్యక్తి, నేను హైదరాబాద్ లో ఒక థియేటర్ వైపు వెళుతుండగా ఎక్కువ సంఖ్యలో కుర్రాళ్లు టికెట్ కౌంటర్ దగ్గర్ కొట్టుకుంటున్నారని అక్కడ కామేశ్వరి అనే మూవీ ఆడుతోందని అన్నారు. మేనేజర్ ద్వారా మేము కూడా మూడు టికెట్లు తీసుకొని థియేటర్ లోకి వెళ్లామని ఆ సమయంలో మేనేజర్ ఈ సినిమాలను వీళ్లు కూడా చూస్తారా అని కామెంట్ చేశాడని తేజ తెలిపారు. మేము థియేటర్ లోపలికి వెళ్లగా అక్కడ కుర్రాళ్లు షకీలాకు హారతి పడుతున్నారని తేజ కామెంట్లు చేశారు.
తెరపైకి షకీలా వచ్చిన వెంటనే హారతి పట్టడంతో తాను ఆశ్చర్యానికి గురయ్యానని తేజ పేర్కొన్నారు. ఆ తర్వాత జయం మూవీలో లెక్చరర్ రోల్ కు షకీలాను ఎంపిక చేయడం జరిగిందని తేజ చెప్పుకొచ్చారు. తేజ వెల్లడించిన విషయాలు సోషల్ మీడియాలో తెగ వైరల్ అవుతున్నాయి. మరోవైపు అహింస మూవీ తేజ కోరుకున్న భారీ సక్సెస్ ను అందిస్తుందో లేదో చూడాల్సి ఉంది. ఈ సినిమా తేజ మార్కెట్ ను పెంచుతుందని కొంతమంది కామెంట్లు చేస్తున్నారు.
ఒక విధంగా తేజ (Director Teja) కెరీర్ ను ఈ సినిమా డిసైడ్ చేయనుందని అభిప్రాయాలు వ్యక్తమవుతున్నాయి. తేజ సక్సెస్ ట్రాక్ లోకి వస్తే ఆయనకు ఛాన్స్ ఇవ్వడానికి స్టార్ హీరోలు సైతం సిద్ధంగా ఉన్నారు. తేజ తర్వాత మూవీ రానా హీరోగా తెరకెక్కనుందని తెలుస్తోంది.
మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!
మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!
Home