వెంకటేశ్‌ – కిషోర్‌ తిరుమల కాంబినేషన్‌లో ఓ సినిమా ఉంటుందని చాలా రోజుల నుండి వార్తలొస్తున్నాయి. ఆ మధ్య ఎప్పుడో అంతా ఓకే అయిపోయిందని, త్వరలో సినిమా ప్రారంభం అని కూడా న్యూస్‌ వచ్చింది. అయితే ఏమైందో ఏమో కానీ… ఇలాంటి వార్తలు వచ్చి… సినిమా వాయిదా పడటం కంటిన్యూస్‌ ప్రాసెస్‌లా మారింది. తాజాగా వెంకటేశ్‌ సినిమా గురించి తిరుమల కిషోర్‌ స్పందించాడు. అయితే ఆయన చెప్పిన మాటలు కన్‌ఫ్యూజ్‌ చేస్తున్నాయి.
కిషోర్‌ తిరుమలతో వెంకటేశ్‌ సినిమా చేయబోయే సినిమాకు ‘ఆడాళ్లు మీకు జోహార్లు’ అనే పేరు పెడుతున్నారని కూడా ఆ మధ్య అనుకున్నారు. అనూహ్యంగా అదే పేరుతో శర్వానంద్‌ సినిమాను అనౌన్స్‌ చేశారు. కిషోర్‌ తిరుమల ఈ సినిమాకు దర్శకత్వం వహిస్తారని కూడా చెప్పారు. దీంతో వెంకటేశ్‌ చేయాల్సిన సినిమానే శర్వానంద్‌ చేస్తున్నాడు అని అనేసుకున్నారు. కానీ అది కరెక్ట్‌ కాదు అంటున్నారు తిరుమల కిషోర్‌. రెండూ వేర్వేరు అని చెబుతున్నారు.
వెంకటేశ్‌కి చెప్పిన కథ వేరు. ఇప్పుడు శర్వానంద్‌తో చేస్తున్న కథ వేరు. అయితే టైటిల్‌ మాత్రం అప్పుడు వెంకటేష్ కోసం అనుకున్నదే. అంతేకాదు రెండు కథల్లో హీరో నేపథ్యమూ ఒకేలా ఉంటుంది. అంతకు మించి ఆ కథకు, ఈ కథకు ఏ మాత్రం సంబంధం ఉండదు అంటున్నారు కిషోర్‌ తిరుమల. దీంతో ఇదెలా సాధ్యం అనే ప్రశ్నలు రేగుతున్నాయి. పేరు అదే, నేపథ్యం ఇదే కానీ సినిమా వేర్వేరా అని అడుగుతున్నారు.
ఇప్పుడు వస్తున్న ‘ఆడాళ్లు మీకు జోహార్లు’ సినిమా కథ తొలుత వినిపించింది శర్వానంద్‌కేనట. అప్పటికే శర్వా మంచి ఫ్యామిలీ ఎంటర్‌టైనర్‌ చేయాలని ఆలోచనలో ఉన్నారట. తిరుమల కిషోర్‌ కథ చెప్పగానే చేసేద్దాం అనుకున్నారట. అలా సినిమా పట్టాలెక్కింది అని చెప్పారు దర్శకుడు. డీవీవీ దానయ్య నిర్మాతగా నాగచైతన్య కథానాయకుడిగా ఓ సినిమా చేస్తారట. చక్కటి ప్రేమకథను దీని కోసం సిద్ధం చేశారట. దాంతోపాటు వెంకటేష్‌తోనూ సినిమా ఉంటుందట. అయితే అది ఎప్పుడు అనేది చెప్పలేం అంటున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home