అలియా భట్ (Alia Bhatt) ప్రధాన పాత్రలో తెరకెక్కిన ‘జిగ్రా’ (JIGRA) చిత్రం అక్టోబర్ 11న విడుదల కాబోతుంది. వాసన్ బాలా (Vasan Bala) డైరెక్ట్ చేసిన ఈ సినిమాని తెలుగులో రానా రిలీజ్ చేస్తున్నారు. ఈ రోజు ‘జిగ్రా’ తెలుగు ప్రమోషన్లలో భాగంగా ప్రీ రిలీజ్ వేడుకని నిర్వహించారు. దీనికి మూవీ టీంతో పాటు రానా (Rana Daggubati) , త్రివిక్రమ్ (Trivikram) , రాహుల్ రవీంద్రన్ (Rahul Ravindran), సమంత (Samantha) వంటి వారు ఈ వేడుకకు హాజరయ్యారు. ఇక త్రివిక్రమ్ స్పీచ్ ఉంటుంది కాబట్టి.. చాలా మంది ఈ ఈవెంట్ ను వాచ్ చేయడం జరిగింది.
సహజంగా త్రివిక్రమ్ (Trivikram) .. స్పీచ్ అంటే.. ఆయన భాషలో ఎంతో ‘అందంగా.. ఆహ్లాదకరంగా ఉంటుందని ఆశిస్తాం’. కానీ ‘జిగ్రా’ ఈవెంట్లో ఏంటో మరి.. ఆయన సమంత భజన అందుకున్నాడు. పాన్ ఇండియా లెవెల్లో ఫాలోయింగ్ ఉన్న వాళ్లలో ఒకరు రజినీకాంత్ అయితే ఇంకొకరు సమంత అంటూ మొదలుపెట్టిన త్రివిక్రమ్.. ఆ తర్వాత కూడా ఛాన్స్ దొరికిన ప్రతిసారి సమంతకి డబ్బా కొడుతూనే వచ్చాడు. ‘జిగ్రా’ సినిమా సూపర్ హిట్ అయ్యేలా ఉంది అంటూ కాసేపు హీరోయిన్ అలియా భట్ గురించి వాసన్ అలీ గురించి మాట్లాడిన త్రివిక్రమ్.. మళ్ళీ సమంత టాపిక్ తెచ్చాడు.
‘అలియా భట్..ను చూస్తుంటే నాకు సమంతనే గుర్తుకొస్తుంది. సమంతలో ఉన్న లక్షణాలే అలియాలో కూడా కనిపిస్తాయి. సమంత సెట్లో ఓ డైనమైట్ ఉన్నట్టు ఉంటుంది. ఏ షార్ట్ కూడా బోర్ కొట్టదు. చచ్చిపోతున్న సీన్ చేస్తున్నా సరే నవ్వుతూ సీన్లోకి వెళ్లి చచ్చిపోతుంది. అలా ఓ లైవ్ డైనమైట్..లా ఉంటుంది సమంత. అదే విధంగా అలియా కూడా అనిపిస్తుంది’ అంటూ సమంతని ఆకాశానికి ఎత్తేశాడు.
చివర్లో ‘సమంత గారూ.. మీరు ఎప్పుడూ ముంబైలోనే కాదు, హైద‌రాబాద్లో కూడా ఉండండి. మీరు చేయ‌రేమో అని భావించి నేను క్యారెక్ట‌ర్లు రాయ‌డం మానేశాను..’ అంటూ సమంత అంటే ఎంత స్పెషల్ ఇంట్రెస్టో చెప్పకనే చెప్పాడు త్రివిక్రమ్. ఇక త్రివిక్రమ్ డైరెక్ట్ చేసిన ‘అత్తారింటికి దారేది’ (Attarintiki Daredi) ‘సన్ ఆఫ్ సత్యమూర్తి’ (S/O Satyamurthy) ‘అఆ’ (A Aa) వంటి సినిమాల్లో సమంత హీరోయిన్ గా నటించిన సంగతి తెలిసిందే.
