OG, Akhanda 2: ‘ఓజి’ ‘అఖండ 2’ .. డిస్ట్రిబ్యూటర్స్ లో కొత్త టెన్షన్..!

‘అఖండ 2’ (Akhanda 2)  సెప్టెంబర్ 25న రిలీజ్ అవుతుంది అని.. షూటింగ్ మొదలుపెట్టిన టైంలోనే అనౌన్స్ చేశారు. ఇది పాన్ ఇండియా సినిమా. ఇలాంటి సినిమాలకి సెప్టెంబర్ ఎండింగ్ అనేది పర్ఫెక్ట్ డేట్. పైగా నెక్స్ట్ వీక్ అంటే అక్టోబర్ 2కి గాంధీ జయంతి హాలిడే ఉంది. ఆ వెంటనే దసరా సెలవులు కూడా ఉన్నాయి. కాబట్టి.. ఈ టైంలో రిలీజ్ అయ్యే సినిమాలకి 2 వారాల పాటు గట్టిగా క్యాష్ చేసుకునే అవకాశం ఉంటుంది.

OG, Akhanda 2:

ఈ లెక్కలు వేసుకునే.. ‘అఖండ 2’ నిర్మాతలు ఆ డేట్..ని ఫిక్స్ చేసుకున్నారు. కానీ ఊహించని విధంగా అదే సెప్టెంబర్ 25 కి పవన్ కళ్యాణ్ (Pawan Kalyan) “ఓజీ” (OG) నిమా రిలీజ్ చేస్తున్నట్టు మేకర్స్ ప్రకటించారు. ఇది డిస్ట్రిబ్యూటర్లని, ఇండస్ట్రీ వర్గాల జనాలని షాక్ కి గురి చేసింది. పవన్ కళ్యాణ్ ‘ఓజి’ పై కూడా భారీ అంచనాలు ఉన్నాయి. ఆ సినిమా సూర్ షాట్ హిట్ అని అభిమానులు భావిస్తున్నారు. కానీ ‘అఖండ 2’ పై కూడా భారీ అంచనాలు ఉన్నాయి.

‘అఖండ 2’ వాయిదా వేసే ఆలోచనలో మేకర్స్ ఉండటం వల్లే ‘ఓజి’ ని ఆ డేట్ కి అనౌన్స్ చేసి ఉంటారు అని ఇండస్ట్రీ అంతా అనుకుంది. కానీ ఈరోజు రిలీజ్ చేసిన ‘అఖండ 2’ టీజర్లో సెప్టెంబర్ 25 కే వస్తున్నట్టు ఉంది. అందుకే ఇప్పుడు మళ్ళీ కొత్త చర్చలు మొదలయ్యాయి. సో ఈ 2 పెద్ద సినిమాలు ఒకే రోజు రిలీజ్ అయితే.. రెండిటికీ ఇబ్బందే.

ఈ 2 సినిమాలకి సోలో రిలీజ్ దక్కితే.. ఈ హీరోల ఖాతాలో అరుదైన రికార్డులు పడతాయి. బాలయ్య (Nandamuri Balakrishna) కెరీర్లో ‘అఖండ 2’ భారీ బడ్జెట్ సినిమా. దాదాపు రూ.150 కోట్ల బడ్జెట్ తో రూపొందుతుంది. ‘ఓజి’ బడ్జెట్ కూడా రూ.200 కోట్ల పైనే ఉంటుంది. కాబట్టి వీటి బిజినెస్ కూడా వంద కోట్లకు పైనే జరిగే అవకాశం ఉంది. అప్పుడు డిస్ట్రిబ్యూటర్లకు కూడా ఇబ్బందే. కాబట్టి.. మినిమమ్ గ్యాప్ ఉండేలా చూసుకుంటే మంచిది. మరి ఎవరు వెనక్కి జరుగుతారో చూడాలి.

గుండెపోటుతో దర్శకుడు కన్నుమూత!