Akhanda2 Thaandavam Teaser: పక్కా రూ.200 కోట్ల బొమ్మ..!

నందమూరి బాలకృష్ణ- బోయపాటి శ్రీను కాంబినేషన్లో ‘సింహా’ ‘లెజెండ్’ ‘అఖండ’ వంటి బ్లాక్ బస్టర్ సినిమాలు వచ్చాయి. ఇవన్నీ కూడా బాలకృష్ణ కెరీర్లో బిగ్గెస్ట్ హిట్స్ గా నిలిచాయి.’అఖండ’ అయితే రూ.150 కోట్ల వరకు వసూళ్లను కలెక్ట్ చేసింది. అది కూడా కోవిడ్ టైంలో..! టికెట్ రేట్లు, బెనిఫిట్ షోలు వంటివి లేకుండానే.. భారీగా కలెక్ట్ చేసి పెద్ద బ్లాక్ బస్టర్ అనిపించుకుంది. ఆ తర్వాత బాలయ్య బ్యాక్ టు బ్యాక్ హిట్స్ తో దూసుకుపోతున్న సంగతి తెలిసిందే.

Akhanda2 Thaandavam

ఇక ఇప్పుడు ‘అఖండ’ కి సీక్వెల్ గా ‘అఖండ 2′(అఖండ – తాండవం) (Akhanda2) రానుంది.ఈసారి పాన్ ఇండియా మార్కెట్స్ ను టార్గెట్ చేసి ఈ సినిమాని తెరకెక్కిస్తున్నారు నిర్మాతలు. రేపు నందమూరి బాలకృష్ణ పుట్టినరోజు సందర్భంగా.. కొద్దిసేపటి క్రితం ‘అఖండ 2’ టీజర్ ను విడుదల చేశారు మేకర్స్. ఈ టీజర్ 1:17 నిమిషాల నిడివి కలిగి ఉంది. ‘నా శివుడి అనుమతి లేనిదే ఆ యముడైనా కన్నెత్తి చూడడు.. నువ్వు చూస్తావా? అమాయకుల ప్రాణాలు తీస్తావా’ అంటూ హిమాలయాల్లో ఉంటున్న అఖండ రుద్ర సికందర్ ఘోరా.. టెర్రరిస్టుల మీదకు దండయాత్రకి వెళ్లడాన్ని.. వాళ్ళను వధించడాన్ని ఈ టీజర్లో ప్రధానంగా చూపించారు.

బాలయ్య లుక్.. అలాగే త్రిశూలం మెడచుట్టూ తిప్పుతూ టెర్రరిస్టుల పీకలు కట్ చేయడం అనే ఎలిమెంట్ ఈ టీజర్ కు హుక్ పాయింట్ అయ్యింది. అది సోషల్ మీడియాలో బాగా వైరల్ అయ్యే అవకాశం ఉంది. వి.ఎఫ్.ఎక్స్ కొంచెం తేడా కొట్టినా.. బాలయ్య- బోయపాటి..ల మాస్ మ్యాజిక్ దానిని కప్పేస్తుంది. ఇక సెప్టెంబర్ 25నే ‘అఖండ 2’ రిలీజ్ అవుతున్నట్టు కూడా ఈ టీజర్ తో తెలియజేశారు. మరి తర్వాత ఏమైనా మార్పులు చోటు చేసుకుంటాయేమో చూడాలి. ప్రస్తుతానికి మీరు టీజర్ ను ఓ లుక్కేయండి :

https://www.youtube.com/watch?v=WVG6cnskbRg

‘భైరవం’…సెకండ్ వీకెండ్.. కొన్ని మెరుపులు..!