దువ్వాడ జగన్నాథమ్‌ ట్రైలర్ రివ్యూ!

మెగా ఫ్యాన్స్ ఎప్పుడెప్పుడా అని ఎదురు చూస్తున్న డీజె ట్రైలర్ నిన్నే ప్రేక్షకుల ముందుకు వచ్చిన సంగతి తెలిసిందే. అయితే అదే క్రమంలో ఈ డీజె ట్రైలర్ పై ఎన్ని అంచనాలు, ఎన్నెన్నో ఆశలు పెట్టుకున్నారు మన మెగా ఫ్యాన్స్. ఇదిలా ఉంటే బన్నీ ఎప్పుడూ చెయ్యని ఒక సరికొత్త బ్రాహ్మణ పాత్రలో ఈ సినిమాలో కనిపిస్తూ ఉండడం, అంతేకాకుండా స్టైలిస్ స్టార్ స్టైలిష్ గా డైలాగ్స్ చెప్పడం అన్నీ కలుపుకుని ఈ సినిమా ట్రైలర్ నిన్ననే ప్రేక్షకుల ముందుకు వచ్చేసింది. అయితే బన్నీ అభిమానులకు ఈ ట్రైలర్ పిచ్చపిచ్చగా నచ్చేయగా, మిగిలిన ప్రేక్షకులు మాత్రం పెదవి విరుస్తున్నారు. అసలు దానికి గల కారణాలు ఏంటి అనేవి ఒక లుక్ వేద్దాం రండి. అందరూ అనుకున్నట్లుగా అదిరిపోయే పంచ్‌ డైలాగులు, పొట్ట పగిలిపోయే కామెడీ బిట్లు ఈ ట్రైలర్ లో ఖాయం అనుకుంటే కానీ ఈ ట్రెయిలర్‌ ఒక రొటీన్‌ కమర్షియల్‌ సినిమాకి వదిలే టిపికల్‌ ట్రెయిలర్‌ లా మాత్రమే కనిపిస్తోంది అన్న కామెంట్స్ బలంగా వినిపిస్తున్నాయి. ఇక సరికొత్త పాత్రలో, తొలిసారి బ్రాహ్మణుడిగా అల్లు అర్జున్‌ నటించడంతో అందరూ కామెడీ ఏ రేంజ్‌లో ఉంటుందోనని ఊహించుకున్నారు, అయితే ఈ ట్రైలర్ లో మాత్రం బన్నీ బ్రాహ్మణ పాత్రలో చెప్పిన కామెంట్స్ బలవంతంగా చెప్పినట్లు ఉన్నాయని అంటున్నారు.

కనీసం ఈ సినిమా డబ్బింగ్‌ చెప్పించేటపుడు అయినా ఈ బలహీనతకి కవర్‌ చేసుకుంటే మంచిది అన్న కామెంట్స్ గట్టిగానే వస్తున్నాయి. ఇక డైలాగ్స్, మాస్ ఎలిమెంట్స్ విషయానికి వస్తే ట్రెయిలర్‌లో ఉన్న డైలాగులు మామూలుగానే వున్నాయి తప్ప హరీష్‌ శంకర్‌ తీసిన ‘గబ్బర్‌సింగ్‌’ని గుర్తు చేసేలా లేవు అన్న నెగిటివ్ కామెంట్స్ కూడ చుట్టుముడుతున్నాయి. మొత్తంగా చూసుకుంటే ఈ ట్రైలర్ పరంగా ‘దువ్వాడ జగన్నాథమ్‌’ కు ప్రత్యేకంగా వచ్చే హైప్‌ ఏమీలేదు అంటూ మరికొందరు కామెంట్స్ చేస్తున్నారు. దీనితో అల్లు అర్జున్ క్యారెక్టర్ హైలైట్ గా నిలిచిన ఈ ‘దువ్వాడ జగన్నాధమ్’ సినిమా రొటీన్ మాస్ అండ్ రెగ్యులర్ కమర్షియల్ ఎంటర్టైనర్ గా మాత్రమే మిగిలిపోతుంది అంటూ మరి కొందరు కామెంట్ చేస్తున్నారు. అయితే సినిమాలో కంటెంట్ ఉండాలే కానీ, భీబత్సమైన ట్విస్ట్స్ ఉండాలే కానీ, కధలో కంటెంట్ ఉంటే సినిమా ఆటొమ్యాటిక్ గా హిట్ అవుతుంది. మరి ఈ సినిమా మ్యాటర్ తెలియాలంటే మాత్రం మనం ఈ 23 వరకూ ఆగాల్సిందే.

Also, do SUBSCRIBE to our YouTube channel to get latest Tollywood updates.