మహేష్, కొరటాల సినిమా పేరు ఫిక్స్

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో ద్వి బాషా చిత్రం చేస్తున్నారు. ఈ మూవీ దాదాపు షూటింగ్ పూర్తి చేసుకున్నప్పటికీ టైటిల్ ఖరారు కాలేదు. అరడజనుకు పైగా పేర్లు ప్రచారంలో ఉన్నా దేనిని చిత్ర బృందం ఫైనల్ చేయలేదు. ఇక ప్రిన్స్ చేయనున్న తర్వాత సినిమా టైటిల్ మాత్రం ఫిక్స్ అయిపోయింది. శ్రీమంతుడు తర్వాత మహేష్ బాబు కొరటాల శివతో మళ్ళీ మూవీ చేస్తున్నారు. డీవీవీ దానయ్య నిర్మిస్తున్న ఈ ఫిల్మ్ ప్రీ ప్రొడక్షన్ పనుల్లో కొరటాల బిజీగా ఉన్నారు. ఈరోజు రాక్ స్టార్ దేవీ శ్రీ ప్రసాద్ తో కలిసి మ్యూజిక్ సిట్టింగ్ లో కూర్చున్నారు. ఈ విషయాన్ని దేవీ ట్విట్టర్లో చెప్పారు.

అంతేకాదు సినిమా పేరుని కూడా రివీల్ చేశారు. ఫోటో ని షేర్ చేస్తూ “భరత్ అనే నేను” అనే టైటిల్ ను కూడా హ్యాష్ ట్యాగ్ చేశారు. సో మహేష్ 24 మూవీ పేరు అదేనని నెటిజనులు, అభిమానులు ఫిక్స్ అయ్యారు. మే నెల నుంచి రెగ్యులర్ షూటింగ్ కి వెళ్లనున్న ఈ సినిమాపై భారీ అంచనాలు ఉన్నాయి.

Also, do SUBSCRIBE to our YouTube channel to get latest Tollywood updates.