‘లవ్ టుడే’ ‘రిటర్న్ ఆఫ్ ది డ్రాగన్’ సినిమాలతో తెలుగులో కూడా మంచి మార్కెట్ క్రియేట్ చేసుకున్నాడు ప్రదీప్ రంగనాథన్. అతని లేటెస్ట్ మూవీ ‘డ్యూడ్’ దీపావళి కానుకగా అక్టోబర్ 17న రిలీజ్ అయ్యింది. ‘మైత్రి మూవీ మేకర్స్’ బ్యానర్ పై నవీన్ ఎర్నేని, వై.రవి శంకర్..లు కలిసి ఈ చిత్రాన్ని నిర్మించారు. సూర్య బ్లాక్ బస్టర్ మూవీ ‘ఆకాశం నీ హద్దురా’ కి అసిస్టెంట్ డైరెక్టర్ గా పనిచేసిన కీర్తీశ్వరన్ ‘డ్యూడ్’ సినిమాతో దర్శకుడిగా మారడం విశేషంగా చెప్పుకోవాలి.
మొదటి రోజు ఈ సినిమాకి కొంత మిక్స్డ్ టాక్ వచ్చింది. ఫస్ట్ హాఫ్ బాగున్నప్పటికీ సెకండాఫ్ బాలేదని ఎక్కువ మంది చెప్పారు. అయినప్పటికీ ముందు నుండి ఈ సినిమాపై మంచి అంచనాలు ఉండటం వల్ల మంచి ఓపెనింగ్స్ వచ్చాయి.
ఒకసారి ‘డ్యూడ్’ 3 డేస్ కలెక్షన్స్ ను గమనిస్తే :
| నైజాం | 2.35 cr |
| సీడెడ్ | 0.43 cr |
| ఆంధ్ర(టోటల్) | 2.38 cr |
| ఏపీ + తెలంగాణ(టోటల్) | 5.16 cr (షేర్) |
| రెస్ట్ ఆఫ్ ఇండియా | 0.18 cr |
| ఓవర్సీస్ | 0.40 cr |
| టోటల్ వరల్డ్ వైడ్ | 5.74 కోట్లు(షేర్) |
‘డ్యూడ్’ చిత్రం తెలుగు వెర్షన్ కి రూ.10 కోట్లు థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం బాక్సాఫీస్ వద్ద రూ.11 కోట్లు షేర్ ను రాబట్టాల్సి ఉంది. 3 రోజుల్లో ఈ సినిమాకి రూ.5.74 కోట్ల షేర్ ను రాబట్టింది. గ్రాస్ పరంగా రూ.9.82 కోట్లు కలెక్ట్ చేసింది. బ్రేక్ ఈవెన్ కోసం మరో రూ.5.26 కోట్లు షేర్ ను రాబట్టాల్సి ఉంది.
