మన తెలుగు ప్రేక్షకుల్లో ఉన్న గొప్పతనం ఏంటి అంటే? ఓ సినిమా బాగుంది అంటే దాన్ని ఎంతైనా ఆదరిస్తారు. భాషతో సంబంధం లేకుండా ఏ హీరో సినిమాని అయినా ఆదరిస్తారు. బాగోలేదు అంటే స్టార్ హీరోల సినిమాలను సైతం మొహమాటం లేకుండా పక్కన పెట్టేస్తారు. ఈ మధ్య కాలంలో జనాలు థియేటర్లకు రావడం లేదు అనే చర్చ పెద్ద ఎత్తున జరిగింది. నిర్మాతలు అయితే ఇదే సాకుగా చూపించి షూటింగ్లు బంద్ చేసి..
హీరోల పారితోషికాలు తగ్గించుకోవాలి అంటూ డిమాండ్ చేయడం మనం చూశాం. సరే ఈ విషయాలను పక్కన పెట్టేస్తే.. తాజాగా ‘సీతా రామం’ అనే సినిమా రిలీజ్ అయ్యింది. అదే రోజున ఇంకో సినిమా కూడా రిలీజ్ అయ్యింది కానీ ‘సీతా రామం’ చిత్రంతో చాలా మంది ప్రేక్షకులు లవ్ లో పడిపోయారు అనే చెప్పారు. రోజురోజుకు ఈ సినిమాకి ఆదరణ పెరుగుతుంది. ఈ చిత్రంలో హీరో దుల్కర్ సల్మాన్ అద్భుతంగా నటించి మెప్పించాడు.
ఈ మధ్య కాలంలో తెలుగులో కూడా దుల్కర్ సినిమాలకు ఆదరణ పెరుగుతుంది. ‘మహానటి’ తర్వాత వచ్చిన ‘కనులు కనులను దోచాయంటే’ ‘కురుప్’ వంటి సినిమాలు విజయాన్నందుకున్నాయి. ముఖ్యంగా దుల్కర్ కు లేడీ ఫ్యాన్స్ కూడా పెరిగారు అనే చెప్పాలి. ఇటీవల ‘సీతా రామం’ ప్రమోషన్స్ లో భాగంగా లేడీ ఫ్యాన్స్ మీట్ ను ఏర్పాటు చేసింది చిత్ర బృందం.
దుల్కర్ ఎంట్రీ అవ్వగానే అమ్మాయిలంతా తమ ఎక్సయిట్ మెంట్ ని దాచుకోలేకపోయారు. ఓ అమ్మాయి అయితే ఏకంగా అరుపులు కేకలు వేసి ఎమోషనల్ అయ్యి కన్నీళ్లు కూడా పెట్టుకుంది. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home
