హ్యాండ్సమ్ హీరో దుల్కర్ సల్మాన్ కరోనా భారిన పడ్డారు. ఈ విషయాన్ని ఆయన కొద్దిసేపటి క్రితం తన సోషల్ మీడియా ఖాతా ద్వారా తెలియజేసాడు. ‘నాకు కొద్దిపాటి కోవిడ్ లక్షణాలు ఉండడంతో కరోనా టెస్ట్ చేయించుకోగా రిజల్ట్ లో పాజిటివ్ అని తేలింది.ప్రస్తుతం నేను హోమ్ ఐసొలేషన్ లో ఉన్నాను.ప్రజలంతా మాస్క్ తప్పనిసరిగా ధరించి సురక్షితంగా ఉండాలని కోరుకుంటున్నాను. ఈ మహమ్మారి ఇంకా మనల్ని వదిలిపోలేదు. అజాగ్రత్తగా వ్యవహరించకుండా అప్రమత్తంగా ఉండాలి.
బయటకి వెళ్తే మాస్క్ ధరించడం మర్చిపోకండి’ అంటూ అతను చెప్పుకొచ్చాడు. గతవారం దుల్కర్ తండ్రి మమ్ముట్టి కూడా కరోనా భారిన పడిన సంగతి తెలిసిందే. అయితే దుల్కర్ త్వరగా కోలుకోవాలని అతని అభిమానులు సోషల్ మీడియాలో కామెంట్లు పెడుతున్నారు. దుల్కర్ అనే కాదు ఈ మధ్యకాలంలో సినీ సెలబ్రిటీలు వరుసగా కరోనా భారిన పడుతుండడం మనం చూస్తూనే వస్తున్నాం. ఇక సినిమాల విషయానికి వస్తే… ‘ఒకే బంగారం’ చిత్రంతో తెలుగు ప్రేక్షకులకి పరిచయమైన దుల్కర్ మొదటి సినిమాతో మంచి ఫలితాన్నే అందుకున్నాడు.
ఆ సినిమాలో తన పాత్రకి నాని డబ్బింగ్ చెప్పాడు. కొంత గ్యాప్ తర్వాత వచ్చిన ‘మహానటి’ తో తెలుగులో మంచి క్రేజ్ ను సంపాదించుకున్నాడు. తర్వాత వచ్చిన ‘కనులు కనులను దోచాయంటే’ ‘కురుప్’ వంటి సినిమాలు దుల్కర్ ఇమేజ్ ను పెంచాయి. ప్రస్తుతం అతను హను రాఘవపూడి దర్శకత్వంలో ఓ లవ్ అండ్ రొమాంటిక్ మూవీ చేస్తున్నాడు. ఇది తెలుగు, మలయాళం భాషల్లో ద్విభాషా చిత్రంగా రూపొందుతోంది. ‘మహానటి’ నిర్మాతలే దీనిని కూడా నిర్మిస్తున్నారు.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
Home