డబ్ స్మాష్ కాంటెస్ట్ పెట్టిన ‘ఈ నగరానికి ఏమైంది’ చిత్ర బృందం

డబ్ స్మాష్.. ఇదివరకు దీనిని అందరూ చులకనగా చూస్తుంటారు. బోర్ కొట్టిన వాళ్లే డబ్ స్మాష్ చేస్తుంటారని విమర్శలు చేస్తుంటారు. కానీ ఈ డబ్ స్మాష్ దీప్తి సునైనాని బిగ్ బాస్ హౌస్ వరకు తీసుకు వెళ్ళింది. రేపో మాపో హీరోయిన్ గా సినిమాలకు సైన్ చేసినా ఆశ్చర్యపోనవసరం లేదు. అందుకే డబ్ స్మాష్ పై యువతీయువకుల క్రేజ్ ఇది వరకు కంటే ఇప్పుడు బాగా పెరిగింది. ఆ విషయాన్నీ దృష్టిలో పెట్టుకొని “ఈ నగరానికి ఏమైంది” టీమ్ డబ్ స్మాష్ కాంటెస్ట్ పెట్టింది. యువ దర్శకుడు తరుణ్ భాస్కర్ పెళ్లి చూపులు తర్వాత తెరకెక్కిన చిత్రం ఇది. ఇందులోనూ అందరూ కొత్తవాళ్లే నటించారు.

ప్రముఖ నిర్మాత సురేష్ బాబు సొంత బ్యానర్ సురేష్ ప్రొడక్షన్స్‌పై నిర్మిస్తున్న చిత్రం ఈనెల 28 న రిలీజ్ కానుంది. ఈ సందర్భంగా ఈ చిత్ర ట్రైలర్ లోని డైలాగులు, పాటలను డబ్ స్మాష్ చేసి #ENEDubsamash అనే హ్యాష్ టాగ్ తో పోస్ట్ చేయాలి. ఇందులో గెలిచిన ఐదుమందికి వెయ్యి రూపాయల చొప్పున payTM చేయనున్నట్లు చిత్ర బృందం నేడు ప్రకటించింది. మీ డబ్ స్మాష్ లను ఈనెల 26 వ తేదీ వరకు పంపించవచ్చని పేర్కొంది. ఇంకెందుకు ఆలస్యం మీ సెల్ ఫోన్ అందుకొని ప్రతిభని ప్రదర్శించండి. “నీ గ్యాంగ్ తో రా థియేటర్ కి చూసుకుందాం ” అనే ట్యాగ్ లైన్ తో వస్తున్న ఈ మూవీపై అంచనాలు బాగానే ఉన్నాయి.