F3 Movie Collections: 19వ రోజు కూడా బాగానే కలెక్ట్ చేసిన ‘ఎఫ్3’..!

వెంకటేష్, వరుణ్ తేజ్ లు హీరోలుగా తమన్నా, మెహ్రీన్ లు హీరోయిన్లుగా అనిల్ రావిపూడి దర్శకత్వంలో తెరకెక్కిన చిత్రం ‘ఎఫ్3’. 2019 లో వచ్చిన ‘ఎఫ్2’ కి సీక్వెల్ గా తెరకెక్కిన ఈ మూవీని ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు, శిరీష్ లు నిర్మించారు. సోనాల్ చౌహాన్ ,మురళీ శర్మ, సునీల్, అలీ, రాజేంద్ర ప్రసాద్ వంటి స్టార్ క్యాస్టింగ్ ఉండడంతో మొదటినుండీ ఈ మూవీ పై మంచి అంచనాలు ఏర్పడ్డాయి.

ఇక మే 27న విడుదలైన ఈ మూవీ మొదటి షోతోనే హిట్ టాక్ ను సొంతం చేసుకుంది. దీంతో మొదటి వారం మంచి కలెక్షన్లు నమోదయ్యాయి.కానీ రెండో వారం ‘మేజర్’,’విక్రమ్’ వంటి హిట్ సినిమాలు రావడంతో కలెక్షన్లు బాగా తగ్గాయి.మూడో వారం ‘అంటే సుందరానికీ’ చిత్రం ఎంట్రీ ఇచ్చినా ఈ మూవీ బాక్సాఫీస్ వద్ద ఎదురీదుతోంది.అయితే 19 వ రోజున కూడా 18 రోజుతో సమానంగా కలెక్ట్ చేయడం విశేషం. ‘ఎఫ్ 3’ 19 డేస్ కలెక్షన్స్ ను ఓసారి గమనిస్తే :

‘ఎఫ్3’ మూవీకి రూ.63.82 కోట్ల థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ కు రూ.64 కోట్ల షేర్ ను రాబట్టాలి. 19 రోజులు పూర్తయ్యేసరికి ఈ చిత్రం రూ.53.80 కోట్ల షేర్ ను రాబట్టింది. బ్రేక్ ఈవెన్ కు ఈ మూవీ రూ.10.20 కోట్ల షేర్ ను రాబట్టాల్సి ఉంది. పోటీగా ‘మేజర్’ ‘విక్రమ్’ ‘అంటే సుందరానికీ’ వంటి క్రేజీ సినిమాలు విడుదలవడంతో ‘ఎఫ్3’ కలెక్షన్లు బాగా తగ్గాయి.

అయినప్పటికీ ఉన్నంతలో బాగానే కలెక్ట్ చేస్తుంది. అయితే టార్గెట్ పెద్దగా ఉంది కాబట్టి.. బ్రేక్ ఈవెన్ అయితే కష్టమే. కానీ నిన్న కూడా ఈ మూవీ 18 వ రోజుతో సమానంగా కలెక్ట్ చేసింది.

అంటే సుందరానికీ సినిమా రివ్యూ & రేటింగ్!

Most Recommended Video

అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!